druga baka i njezini unuci...
kad se sin rodi i kad se dođe na babine onda se po nizozemskoj tradiciji serviraju okrugli baškotini sa malo masla i sa plavin bonbončičima za muške i roza za ženske...zetova mater koje je umjetnica je napravila ove dvi slike povodom rođenj svojih ( i naših ) unuka...stariji je za prvi rođendan dobija svoj portret u uljanoj tehnici na platnu...to smo obisili u našemu domu u trogiru...a dogodine na svetoga duju in moran ova klepetala da kupin...bit dida je lipa stvar samo ča te dica sataru kad i moramo čuvat...neka gušti su gušti...a ove klonpe su nan od čere...tamo nidi '74 di se spustili do grada...kad bi išli kroz kalete i priko spliske pjace judi bi se okričali jerbo je mala pravila veliku buku sa svojin klonpama...ajde bilo je puno lipo kad se tega sitin...
Trackbacks
Trackback specific URI for this entry
No Trackbacks
Comments
Display comments as
(Linear | Threaded)
Lipo, lipo, ...
Did i baka,
i unuci veselje njihovo.
I sve to u umjetnost vještom rukom stavljeno. A onda na najlipše misto pohranjeno i brižno čuvano. Uvik u oku, uvik u srcu ...
Čeka ...
Lipi pozdrav ...
Did i baka,
i unuci veselje njihovo.
I sve to u umjetnost vještom rukom stavljeno. A onda na najlipše misto pohranjeno i brižno čuvano. Uvik u oku, uvik u srcu ...
Čeka ...
Lipi pozdrav ...
ma ca ces...svi smo mi isti kad su unuci u pitanju...ima ona izreka...samo nek je zdravja i dice...
ja san isto klapala sa klompama. To je bilo nigdi 1976-77. Jemala san lipe drvene klompe sa krznon od koze navise. Bar su mi u ono vrime izgledale lipo hahahaha. A sta mozemo, tako je vrime bilo:D Sican se da je bila zima i da je pa snig i oma iza njega bura pa sve zaledilo. Jo ca mi je bilo lipo teplo u klompama i ni se sklizalo. U skafetinu u kancelariji san drzala normalne postole jer sef ni da da mu klapan po kancelariji. Toliko o klompama....europejac gustaj ca si nono i ne grinataj da te dica tlace 
Pusta je kuca bez smija dice......
Pusta je kuca bez smija dice......
ma ovo ti je pozitivno grintanje...dva dana u setimani cuvamo ova dva mangupa...znas kako je ne cinimo nista po nasu...triba se drzat cerinega sistema...a nama je cer nizmjerno strpljiva sa dicon...mi smo prije ipak bili malo stroziji...vrimena se minjaju...
a ta ti stoji.Nevaja da dici jedno zapovidadu otac i mater, a drugo nono i nona. Dica izgubidu busulu....U Italiji se rece da nona i nono ruvinaju dicu "I nonni sono la rovina dei bambini"
"O, nono, nono, nono, dobri moj nono,
sve manje judi znan ča nalik su na te,
Al' sriće o kojoj si priča
i jubavi za te uvik znaj
bit će u srcu mom!" - ovo san najviše volila pivat u ono vrime kad san upala u gustirnu ('69). Guštajte s unucima, svaki moment je dragocjen. Moj tata je želija da ga unuci zovu nono. Sretna sam da je doživija da ga moj prvijenac zazove - NONO!
sve manje judi znan ča nalik su na te,
Al' sriće o kojoj si priča
i jubavi za te uvik znaj
bit će u srcu mom!" - ovo san najviše volila pivat u ono vrime kad san upala u gustirnu ('69). Guštajte s unucima, svaki moment je dragocjen. Moj tata je želija da ga unuci zovu nono. Sretna sam da je doživija da ga moj prvijenac zazove - NONO!
da guštamo...evo smo se vratili u našu vikendicu nakon ča smo par dana naše mangupe čuvali...čer buba libre...arheologija...stariji več baca po dalmatinski jerbo ga ka i našu dicu učimo više jezika...onu drugu šetimanu gremo doli...a oni nan dolaze prid božić...biče "ludilo"...
Joj znam te biskotine!! Kad mi se rodio prvi rodjak ti su isti bili! Uh, ne mogu ja to jest jer je to cisti Anis!! To je zaista jedini zacin kojeg stvarno ne mogu...uh...
A ne mogu virovat da ste islu u onim klompama, hahahahahah...Nama eno stoje doma za ukras, jer je tata kupio u svom broju radi stosa! (br. 47!)
A ne mogu virovat da ste islu u onim klompama, hahahahahah...Nama eno stoje doma za ukras, jer je tata kupio u svom broju radi stosa! (br. 47!)
ajde drugi put kad budeš na blogu moje čere onda je pitaj...kako jon je bilo u klonpama...potrošila je ona nikoliko pari...žaj mi je da ne voliš anis...a kako stojiš sa koromačen...?...
Kad se moja mater udavala otac je reka noni:"kako ste baba". Nona mu je opalila plesku da ca je vridja, da ona nije stara zena. Tako je to u Dalmaciji. Ja san imala nonu i babu, nonota i didu. Dica moga barbe zovu oca "pape" a dica strica zovu oca "tata". Sidili smo u Semafora kad je moja druga polovica rekla: "vidi onu gospoju (signoru) sta seta kraj poste". Trazin ja koja to gospoja seta kraj poste i nevidin niti jednu. Samo jedu staru babu. Pitan njega: "jel ti to mislis na nju". On mi govori: "e". "Ma kako mos rec da je to sjora. To ti je baba". A on meni "To je tvoja nona!?"
Ja njemu "Ma nije covice moja nona, nego stara zena". A on meni "znaci gospoja".
Eto to su jezicne finece razliciti jeziki. Ja nikad necu ostarit jerbo nikad necu bit nona. Sve jema svoje prednosti
Ja njemu "Ma nije covice moja nona, nego stara zena". A on meni "znaci gospoja".
Eto to su jezicne finece razliciti jeziki. Ja nikad necu ostarit jerbo nikad necu bit nona. Sve jema svoje prednosti
e vidiš kod nas u familiji ti je ovako...ja san za unuke dida...moja supruga in je oma...e sad ovako daje... zetova mater je isto tako oma...a dida po nizozemsku je opa...ali naši unuci nimaju opa vengo pake...a ča je pake...to ti je dida po fryslandski...frysland to je sjeverna provincija nizozemske di je dvojezičnost...svudi su tabela na dva jezika...jeli me još moš pratit...ma koja mišanca...
zaboravila san rec i ovo: Za moju nonu je vlaska pocinjala iza Vranjica. I Kastelani su za nju bili vlaji.
znaš ča za moju babu i dida je vlaška počinjala iza kozjaka klisa i mosora...a mater i otac su iz žrnovnice...naša grobnica je blizu barba smoje koji nan je bija susid i u senjsku kalu...svi se krugovi zatvaraju...
meni su se krugovi odavno zatvorili. Kad krepan tribadu me kremirat i bacit u Bracki kanal. I to po noci, da niko ne vidi, jerbo je to po rvatskon zakonu zabranjeno. Nima mene ko zvat ni nona ni baba. Moj Otto jedino ca zna je av, av , a i Lilly ni znala puno vise
je, odavno je ona partila. Jesi li procita Pasje novele od barba Smoje?
ajme...ne mogu zamislit...kako si uspila nač snage...virujen da ti je onda brački kanal destinacija...ma nisan i pročita...to su me i u trogiru pitali...zadnji godin se sve ništo okrenilo oko nas...puno putovanja...trogir NL...svit...još nimamo pravega mira... cili život je na pecibokune...za sad je sve pod kontrolom...ali ipak tribamo bacit ankoru...moraču ti libar da pročitan...drž se...Technorati Profile
Pari mi se da si nisto krivo razumi. Lilly je bila pas. Mene je Bog postedija najgorega ca se coviku more dogodit. Dozivit da mu parti dite. Ni nan bilo lako kad je partila Lilly, ali sve covik priboli pa i to. Naza dvi godine je dosa Otto. Ali ni pametam ka ca je bija Sarko Meni je barba Smoje posla poston Pasje novele i Dalmatinska pisma. Jema ti jedana butiga od duperanih libri u Varosu. Svrati i kupi. Ni skupo. Vridi procitat. Ko zna ca bi Sarko mislija o ovoj nakaradi o Rive. More bit da bi je samo dupera za dignit nogu. Moj Otto bi svaki put ka bi prosli priko nove Rive diga nogu i da prostis posra se. Sva srica da nikad ni bilo puno svita da to vidi. Kad boje promislin moj Otto je pametan ka Sarko. Nikad se nije posra na Pjacu, Peristi, Pazar, Peskariju, Vocni trg, Matejusku... Samo na Rivu i neces virovat, nikad na kamen, samo je lita po tehnobetonu.
Meni je barba Smoje posla poston Pasje novele i Dalmatinska pisma. Jema ti jedana butiga od duperanih libri u Varosu. Svrati i kupi. Ni skupo. Vridi procitat. Ko zna ca bi Sarko mislija o ovoj nakaradi o Rive. More bit da bi je samo dupera za dignit nogu. Moj Otto bi svaki put ka bi prosli priko nove Rive diga nogu i da prostis posra se. Sva srica da nikad ni bilo puno svita da to vidi. Kad boje promislin moj Otto je pametan ka Sarko. Nikad se nije posra na Pjacu, Peristi, Pazar, Peskariju, Vocni trg, Matejusku... Samo na Rivu i neces virovat, nikad na kamen, samo je lita po tehnobetonu.
odma mi je lakše...sve san pomiša...ajme skužaj...odma san popija žmul vina da se "osvistin"...poviriču do antikvarijata to je tamo di je kazalište lutaka ...?...ma na rivu se ne more ni pas pošteno pos.at...riva ce bit sređena to san puno puta napisa...sad se tribamo uvatit lobiranja...medija...i puka...
Pa, komorac je jako slican, ali njega jos nekako mogu....recimo, super mi je onaj korjen koromaca!
znači škodi samo ono ča je tvornički manipulirano...uvik san reka triba se držat prirodnih dodataka...ja u peštaduru mrvin suve simenke od koromača...i to moš stavjet u i na svoje delicije o slakoga koje studiraš...gusti dušo moja gušti...
