Tuesday, February 5. 2008
nadivene kapule...
evo van ricete za zimske dane kad se bura sa jugon minja...vazmen lipe okrugle kapule...sa ovin pomagalo na litratu i izdubin...bokuniče sačuvan...u duboku zdilu stavin mišano meso...dodan jaje...grezo rizanega selena...na sitno rizanu kapulu...na sitno češnjaka...žlicu konšerve...maslinova uja...samo poškropin...sol papar...sve lipo izmišan...sa tin nadivan kapule...u drugu teču ulijen mišanoga uja...kad se uje zagrije dodan žlicu maslaca...to van je da se kapula koju ču sad dodat lipo zažuti a i za povezivanje toča...onda opet grezoga selena...i konšerve jedno tri žlice...priko tega pospen finega glatkega brašna...sve zalijen sa geveđin temeljcem...temu dodan jedno šest štrukani pomidora...kad je malo iskuvalo meknen nadivene kapule i poklopin...neka kapule budu skoro pokrivene...to van nije ni juva ni gusti šug...znači razumili smo se...povremeno se trese sa tečon...uz to jidemo dinstanu rižu...pospe se malo gratanega sira...mi smo uz to jili i kuvane kruške u crnemu vinu...a provali smo i naše mlado vino...po je merlot a po je vranac...zadovojan san...neka još zrije...uslast...
I oet me dopalo na ricetu. Baš danas pričan sa zavon (od muža sestra)i njenin mužen maratoncem (jedan od osnivača Maraton kluba Marjan) o kapuli. Napravila san picu sa tunjevinom i slanin inćunima i ubacila malo kapule. Zava neće ni da čuje za kapulu, a Dodo (muž) je fali i oće i on picu sa kapulon. Meni je drago ubacit kapulu, a ovod vidin da je glavna glumica.
A probaću i ja koji put ovu ricetu, ali nesmin zvat zavu na ručak.
a zava bi me zadavila da joj serviran kapulu. Opasna je ona!
