njoki ali po moju...

kad van ja pravin njoke onda napravin dovojno da se more čagod stavit i u duboko...nji uvik triba imat doma jerbo se nikad nezna ka če ko banit...vazmen tri i po kila kunpiri...skuvan i u kori...ka su lipo meki oladin i skinen kožu i smrvin ka za pire...kad mogu rukama mišat a da se ne oparin onda su se dobro oladili...ja van onda dodan gratanega sira...šaku grezo izrizanega selena...jednu čikaru slakega vrhnja...dodan četiri jaja...a onda sve izmišan...dodan ali pomalo po kila glatkega brašna...stalno mišajuči...češnjak na sitne komadiče...mlivene mendule ajde neka bude jedna poštena šaka...kad je sve pomišano...prospen na stol brašno kod mene je radni stol od granita pa je onda laške i za vajat i za oprat...onda počnen vajat tisto na dugo nek bude malo više od prsta debelo...sa nožen rižen na male bokunice...a to mi je na litratu činila čer...a vi rižite po svojoj voji...navisin jednu široku teču sa malo zasojene vode ostavin da stalno kuva i u kuvanu vodu stavjan njoke...kad su isplivale onda su gotove...još na fali pašticada oli brujet...i to je to...a zudobija san reč one njoke ča su ostali stavjan na red kuhinjske folije jedno priko drugega i onda u duboko lako se odvaja i nima lipjenja...