Dalmacija moja inspiracija

dalmatinski je običaj da se jutika stavi u kvasinu...gušti su to poist kad je odležala na suncu...sičan se da mi je baba na balaturi imala jutiku i orahovicu...a ispod balature di je tunbin visila je i cidila se konšerva...a sad je gremo kupit u supermarket i onda u kolica do kase...ajmo se vratit do moje jutike...ja van ovako pripravjan jutiku...vazmen frišku jutiku skinen jon vanjsku i još jednu kožicu...u mali wok stavin mišanoga uja i kad se ugrije dodan po kučarina masla...meknen friške jutike koju san pripolovija...sa svi strana i malo požutin i kad dobiju boju dodan malo soli i papra...pospen sa origanom (iz moga đardina) i dodan pinkicu češnjaka...dodan još jednu žlicu maslinova uja...onda ulijen moje nectar kvasine ne više nego pet šest kapi i sve zalijen merlotom jedno dec ipo...brzo poklopin i nakon jedno dvi minute skinen poklopac i ostavin da malo vino iskuva...ovo van je ludilo od spize...jutika mora da bude adente...serviran uz janječe filete...sa malo divje špinjača i salate od rokule...domači kruv i vino nan je pri ruci...nima van puno posla oko tega...

sredinon dvora je bija postavjen veli drveni stup di su bili montirani tiramoli...to van je štorija iz moga ditinjstva... uvik san volija vidit kako mi mater obisi bile lancune oli mudante od nas dice na tiramol...a pogotovo ka i vitar počme gingat...zato nisam moga odolit da van ne dočaran dubrovačku idilu..kiša je padala cilu šetimanu...a taman danas je sunce povirilo i svima je odanilo...jerbo je vrime da se roba suši na tiramolima...meni je idilično i vrača me u vrimena kad nije bilo sušilica a ni perilica robe...moran malo stat postajen melanholičan...reči če mi naše makaranke da san romantičan...nima veze...zato mi je mimoza koja je lipo procvitala jos više ulipšala dan...

evo san nabasa na ovu informativnu ploču stavjenu na zidine kod pila...vama san dužan dat nikoliko litrata o razaranjima dubrovnika...ostalo je povjest...