Dalmacija moja inspiracija

litrat iz svemira...kliknite...ovod

izvor NASA

eto smo i to doživili da nas litraju odozgo...samo je ščeta da je šutlu repica poviše trogira i dila kaštili...ali nima veze zato se split i ostatak dalmacije lipo vidi...ajde pošto nan prešidente o jamerike dolazi u vižitu a i reka je da bi tija vidit bokunič mora da se razumimo jadranskega a ne karipskega...e onda ga supruga i ja ga pozivamo doli taman iza repice o'šutla...da mu malo pokažemo di bi moga da ostavi koji šold...pa nek i laura koji put gušta u životu...a ne doma na texasu oli na floridi kod brata jon o njezina žorža...neš ti ča in je tamo dobar život...onda jesmo li se laura dogovorili... napravit ču čagod za poist biče ovako... muzgavac sa kunpirima matovilac i pijadela šušaka uza to kruv ispod peke i malo pravega uja da se more kruv umočit... a kad arivate nek ti se tvoj muž spusti u konobu da ulije vina iz one live bačve...alo šjor žorž usput ti je tamo ispo skala maslinovo uje od lani uzmi jednu bocu za se da ti laura more polit po idaho kunpirima...žnaš ča lipi naš šjor žorž tako ti mi to duperamo ovod u dalmaciji...a ti laura moš sa mojon bojon polovicon stavit tavaju i žmule na stol a pošade i peruni su ti u škafetinu o armeruna...a onima ajmo reč dvokrilnin armeruniuma sa antenema u ušima ča čuču iza kuče i na maslinan i seru u gače o straja...daj in sengviče i vode iz špine i reci in da nima straja voda je sa jadra...kad je dioklecijan pija mogu i oni...eeeej ti tamo u đardinu znan ja da ti tribaš gledat okolo nebi li se koji opasni tip približija...a pripazi di greš to na tlevu ti je blitva...je je, to ča je green...judi moji ča me ovo štufalo ...ma ke inbečile...ajte moji merikananci lovit nanare...ča ste se uzmuvali oko kuče...poidite to spize i ajte doma nek mi se jopet vrati moj mir i moji gušti...neš ti furešti...straj i je judi moji straj...

unuci su na bili ovod na ladanje...moja gospoja je napravila lipi puding za unuke...ma koji su to bili gušti...kuča puna dice...trčanje skakanje i monade...ma ča ču van više pisat svaki dida zna koji su to gušti...

sija san kavica mi je pri ruci...tija bi da vidin ča ima novega u splitu...otvorin inbox a u njemu fotke sa spliske rive...i na njima one dizalice a na njima su osvanili plakati sa uskrsnon porukom koja je čista ka suza...o grobarima spliske rive...ko je učinija de je učinija dobro je učinija...iako če se to ubacit u korpet GI ZASPLIT ali ima bit da se u splitu konačno svit počeje budit...

nastavit ču pisat i stavjat litrate o problemima spliske rive...onda otvorin index.hr...uskrsna poruka Sanaderu kad je 1988 godine radija u spliskome Logosu...puče o puče ovega napačenoga grada pročitaj i i razmisli malo o životu...onda otvorin portal glasdalmacije.com i vidin da su umrli Boris Dvornik i Anatolij Kudrjavcev spliske legende. Adio Roko, Meštre i nezaboravne uloge u spliskome teatru a u koliko je filmova glumija to je teško i pobrojit...ma gledaj slučajnosti šjor Tolja je pisa kazališne kritike o Dvorniku a zajedno su partili...sučut obitejima...pomalo nan split postaje sve manji i manji...otvorin portal od GI ZASPLIT okrenila lebičada i uništila ono malo zelenila na rivi koja je nota bene kandidat za dobit nagradu za horikulturu...ka koja nagrada puknit ču od jada...to van je ka ča se ona ženska gledala u zrcalo i stalo ponavjala da je najlipša na svitu...a svit je mislija drugovačije...tragedija je da tako i u banovini mislidu o rivi...ovi uskrs če ostat za pamčenje...predosječaj apokalipse...?...