Dalmacija moja inspiracija

život nan more donit puno lipi stvari ovisi o temu koliko čovik putuje vidi svita i upozna judi...e tako van je svitu moj i meni... ima jedno dvi tri šetimane da san bija u francusku...ništo s poslon ali to sad ni važno...mio amiko M.J. mi je kad smo u povratku bili blizu torina reka ajmo na samo uru vrimena svratit u vicenzu kod moji dragi prijateja familije gustini...fina gospoja nataša gistini pari ka diva jema jon lipi kus godin ali san pristojan pa neču ništa pisat...udomačila nas je ka da smo njezina dica...oma je rekla kad smo banili na vrata gori donesite bagaje i nočas čete spavat kod nas a sutra linija direta dalmacija...ma mogu razumit M.J. njemu je ona tako prisna i draga da je to normalno ali mene dalmatinskega farabuta je tako lipo ugostila parilo je da se godinam znamo...fala finoj gospoji nataši i erwinu...alora nemojmo zaboraviti i erwina gustinija koji je veliki poliglota da takega u životu nisan vidija...kad mi je počeja parlat po južno afrički a to van je ništo blizu nizozemskega...ludilo...ma koji akcent i riči...a fina gospoja  nataša je pelješka iz kune...ma moran napisat da jema tako lipe oći da je to mirakul...ako se ne varan unuka je jednega od največi slikara rvacke...Celestina Medevića...saloni u njiovu domu i vicenzi su in puni slika od našega velikega umjetnika...ajme ima jedna lipa slike crnogorskega velikana nikole eto van je doli oni čovik sa brkima...da san ja na mistu đukanovića i ostali u vladi republike crne gore odma bi obilato odrišija kesu ministarstva kulture i otkupija tu sliku jerbo jon je misto u cetinje...svitu moj koji su to bili gušti slušat priče iz davni vrimena...fina gospoja nataša van je bila glumica u teatru u zagrebu i po ciloj bivšoj državi...a njiova kolekcija celestina medovića je največa privatna kolekcija na svitu...a moran dodat da smo fina gospoja nataša i ja guštali u njezinoj kolekciji porcelana...lipo da ne more lipše bit...ali fina gospoja nataša jema i sina koji je slikar...stara izreka kaže da kruška neče daje od cabla oli tako ništo...pa kad je medović u familiji onda se ta genetika nidi mora pripoznat...evo van litrati radova od igora gustinija sina od fine gospoje nataše i šjor erwina...guštajte i kad van se ukaže prilika posjetite njegovu izložbu...u rvackoj puno izlaže...a šjor božo biškupić naš ministar kulture i veliki kolekcionar jema igorove radove u svojoj kolekciji...evo van igorov web site pa sami daje uživajte u umjetnosti...a finoj gospoji nataši i šjor erwinu veliko fala za gostoprimstvo...pome san osušija i meka u uje...a vino od ove jematve lagano vrije...zato jema merlota od lani...to čemo lipo degustirat na lito 2009...da ste mi dobro i berićetno...

brodi su ka i judi...svima dođe vrime...judima pomognu štake kolica briga i svaki dan šaka medikamenti...pa onda mogu još durat...a brodima friški bokun drva...malo štuka i piture...nove pajole...vesla...i onda se more još niko vrime bacat poponica oli panulavat...

danas san se zaletija do zagreba...ma nije da san se radova putovanju ka ča san se znan radovat...ovi put san poša na mirogoj di je jedan o najlipši krematorija u europi ča san dosad u životu vidija...judi moji partija mi je barba ante...a supruga danica...sestra moga pape je partila ove zime kad je bija veliki snig tako da niko iz dalmacije nije moga poč na sprovod...sad smo to refali...a o barba anti i teti danici mogu reč sve najboje...teti mi je falija mosor di je čuvala blago di je išla u drva di jon je mater dala malo kruva i bokunić slanine di je znala svaki bovan...a barba ante... najdraže mi je bilo kad bi ja bija kod nji u zagrebu...pa onda razgovarat o politici korupciji papanima koji nan krojidu život...uvik mi je čuva feral tribune jerbo me nije bilo u rvackoj...ferale bi mu ja dabome vratija nazad jerbo su svi ferali bili čuvani da se zna da je nikad ovod u ovoj napačenoj zemji bila slobodna rić...uspija je još da pročita zanji broj prije nego je špina bila zatvorena...ko da je zna da je i njemu došlo vrime...moran prinit zahvalu barba ante bandiću gradonačelniku zagreba koji je penšjunatima da crkavicu o 100 kuna...neš ti žunte na penziju...proša je sve ratove ovega svita...lavura je puno... ali nikad ni prominija bandjeru...kod njega je vitar puva kako god je puva ali on se nije okriča uvik je iša naprid kako i mirita...e moj barba ante falit če mi večeri kad smo znali popit žmul vina...falit če mi brontulavanje sa teton danicom...falit če mi rodica lakika koja van je davala energije da zajedno doživite starost...falit če mi ivan i nika...taku unučad triba tražit lanpandinon ali je jema vrlo malo...ali oni su još mladi sve čemo to refat...pozdravi mi papu i ostalu rodbinu iako ne virujen da češ i vidit...nima veze nada zanja umire...

a ova zanja dva litrata van je moja susida baba jele koja je bila legenda...kad smo gradili kuće triba nan je mašklin voda bokun daske letrika...sve je moglo kod baba jele...e svitu moj i ona van je partila...život gre daje uspomene ostaju...