Dalmacija moja inspiracija

prošlega dugega i teploga lita je u vrtlu svega rodilo...poma paprik tikvic balancana...tako da san pripravija puno staklenki sa lipin delicijama...ka prvo zdravo je posebno i znan ča jiden...da se koji poklon a normalno da su i dica opskrbjena........jeman tu u maškaduru na suncu osušeni poma, mariniranega matara, jutike, pesta od murtele sa orijima, pesta od na suncu osušene paprike, pijane smokve suve i friške, marinirane upola suve pomidore, nasickani ružmarin sa bilin lukon, na suncu osušene pa onda marinirane balancane, dvi tri bočice aromatiziranega maslinova uja, ufino izgratani rogač, suve oskoruše i suve smokve, domača konšerva, marinirani inčuni, srdele u salamuri i jedno tri kila osušeni začinski trava...a vino zrije u konobi...biče feštanja i dragi nan gostiju...ča se mene tiče lito 2009 more počet...

ajde povirite malo i na culinary croatia

vazeja san ove lipe modre smokve i na nji meka lozovaču...onda niko vrime na sunce...aaa, još ništo doda san i dva lista od limuna...a riba je platila svoje...guštali smo u merlotu...i tako malo pomalo pijana riba i pijane smokve...ali ne brinite sve je umjereno...dok život dura triba guštat...kad smo več kod dobre spize i onda van moran napisat još ništo...ajte malo surfat na ovi website  www.culinary-croatia.com..to van je zajednički gastronomski projekt koji organiziraju firme secret dalmatia i konoba pelegrini...po mome gastronomska i turistička ponuda triba bit raznolika a to znači izbor za svačiji takujin...ja bi ovod naglasija da ponuda visoke gastronomije zaostaje naspram onega ča se nudi...ima pomaka... u splitu se otvara skula gastronomije di če se obrazovati mladi kuvari i somelieri...konoba pelegrini u šibeniku je primjer kako se tradicija more spojit sa gastronomijom...triba jubavi prima spizi a ovi projekt nazvan culinary croatia če bit doprinos novemu pogledu i načinu guštanja u spizi...tako da i zahtjevni gosti mogu doživit ono ča mi stalno govorima i znamo a to je posebna i tajanstvena rvacka a u mome primjeru dalmacija...još je puno posla ali je krenilo...ovaki projekti mogu dat rezultate samo kad se napravi široki interesni klaster zajedno sa lokalnin zajednicama, vinogradarima, vinarima, eko-poljoprivrednicima, proizvođačima sira, ribarima, maslinarima, travel agencijama, kuvarima i konobama / oštarijama tipa pelegrini...a to me raduje...

ajde povirite malo i na culinary croatia

nakon zanje kave u kaštilima i trogiru je vrime došlo da se tornjamo malo do NL...kroz austriju je bilo malo problemi jerbo je u tauern tunelu bija požar tako da su nas natirali da vozimo priko brda deboto do 1700 visine...bilo je i lanjskega sniga onako usput sa strane...ne moš virovat da čemo se spustit do jedno 8 metri ispod razine mora u NL di nan je vikendica...malo smo zakasnili do našega otela u bavarskoj di spavamo jema već nikoliko dekada...kad tamo u jedinome restoranu u mistu je fešta sa mladencima...konobarica je rekla de je malo bučno ali ako nan to ne smeta onda neka sidnemo u oni kantun...mladenci i gosti su bili obučeni u bavarske duge folklorne vešte i kožne gače na tirake i bičve do kolina...bilo je i oni ča su malo više potegli...a ja san malo snima okolo po restoranu...ona tri momka su dali život za Heimat...neču daje to komentirat...mi smo lipo guštali i drugo jutro krenili prima NL...žena puten kaže da čemo kad dođemo u vikendicu prvo upalit pečicu i onda čagod zalogajit sa bocon merlota na stol...s tin se složin jerbo je i meni to po guštu...stigli smo...otvorin vrata i onda iznenađenje...kuča puna gov.na od miši...za nevirovat koliko i je bilo ijade i ijade...antiklimaks...a žena mi je poludila...da ne dujin daje...po robe smo morali bacit ča su miši sve nagrizli i napravili puno gnjizda di su guštali...ženi su izili lipe duge mantile...oma smo se uvatili sve čistit i dezifencirat...svu ostalu robu smo odnili ko čere i dva dana je perilica radila tuta forca...a ja san nabavija trapule za miše jedno petnajst komada meka san na nji sira i onda neka mi jubiteji beštij oproste uvatija se osvete...u tri dan san uvatija pet miši...ha,ha, ima bit da su se ostali pripali jerbo i nidi više nima...nima ni rodjaka ni brače evo več dva dana...sad je sve čisto i oprano...ovo nan se nikad ni dogodilo...a đardin je po običaju bija pun korova ali to ja sredin u jedan dan...ma mi uvik pravimo đirade od tri do četiri miseca u cugu...i nikad nima ovaki problema...a onu bocu merlota smo tek sinoć otvorili...a oni zanji litrat van je konačno stanje...sve je čisto i more se guštat u životu...