Dalmacija moja inspiracija

konpostiranje je za nas normalna stvar...ima temu jedno dvadeset i pet godin odkad se u NL uvelo odvojeno skupjanje kučanskega otpada...kartu i karton smo ostavjali napose a to bi dica sa svojin trenerima iz sportski društava jedan put u petnajst dana skupjala po kvartovima i to bi se onda prodavalo...a novac je bija za dresove balune i kopačke...to van je normalna stvar...sve kuče imaju jednu zelenu kantu i jednu sivu ona prva je za organski otpad a druga za sve ostalo...caklo se ubacuje u kontejnere...pošto smo mi uvik imali kuču sa malo đardina onda nan ona zelena kanta za organski otpad nije tribala...sve smo konpostirali i koristili za dohranjivanje đardina...a ovod u trogiru jemamo organskega otpada ka u priči...ma računa san da nas dvoje i liti kad su nan dica ovod godišnje skupimo ča od spize ča iz vrtla jedno po tone organskega otpada...sve se to uz pomoč milijuna mali beštijica pritvara u konpost...a njega stavjan okolo maslin duperajen u vrtlu i raspoređojen po đardinu...naš doprinos zaštiti okoliša...stvar navike...evo van malo litrati iz našega đardina di san ostavija jedan dil di je kašun za konpostiranje...

ove godine je bakalar na brujet...voda za omekšavanje bakalara je sa jadra...koji su to gušti kad čovik promisli da je u istoj vodi i car dioklecijan točava svoj bakalar...kapula, selen i kunpiri su iz vrtla...papar je sa madagaskara...konšerva je home made od prošlega lita...češnjak je od dobrega susida...a bakalar je sa islanda...kruv je integralni a ispekla ga je moja boja polovica...vino je iz naše konobe...ovi put ču nalit merlota is 2005te godine...sve u svemu dobro je...brez priše...vaja malo sist i promislit o životu prisitit se da nan je dobro i da to želimo svima...

cooking classes and cooking tours in croatia culinary croatia

luxury croatian villas

vrimena su se prominila i danas konšervu kupujemo u butigan...ali ja san van malo čudan čovik...liti kad su pomidore šljivarice uvatile lipu crvenu boju uvatin van se posla i napravin konšervu koju duperan ostatak godine...onda ovako zrile pome operen i meknen u lonac da se skuvaju...temu dodan soli i papra...mikseron i samejen da ostane lipa kaša...onda to meknen u u fino sito...ovo moje na litratu je profesionalno ali jema u butigan sita od ništo malo kuna pa i one mogu...priko tega pospen dil kaduje dil origana dil murtele i malo cvita od lavande...drvenon žlicon pritiščen šug i mirisne trave da sve izađe...košpice i ostatak mirisni trava bacin na konpost...ponovo triba da zakuva...napose bočice i poklopce meknen u kjučalu vodu i temu dodan jednu platnenu vričicu koju isto tako prokuvan...onda pasirane pomidore sa čiston žlicon mečen u platnenu vričicu i obisin nek se ocidi...ispod meknen lonac da uvati onu vodu ča se ocidila...to van je lipi sok o poma kojega čuvan u boce i onda u frižider...zdravo je i gušt je za popit...kad se voda ocidila sa čiston žlicon mečen konšervu u staklenke...na vrj malo maslinova uja do samega vrja...i onda u maškadur...ma nije van to puno posla...ali zato van je rezultat vrhunski...

ajde povirite malo i na culinary croatia