Dalmacija moja inspiracija

Ma koja nan je ovo godina bila...uh, sad kad je sve iza nas više se i ne sičamo dobri oli loši stvari ah takvi smo mi svit...uvik po onoj biče sutra boje...a mi smo evo malo prizalogajili i popili čagod...ove godine smo puno guštali sa unucima i tako nan je finila i ova...a vama, ča mogu napisat, učinite najboje ča morete sve je u vašin rukama, pamet u glavu i samo nan i van ostaje nada, a nada umire zanja...sritno svitu...Silvestrovo more počet...

evo van ovod par poklona koji san naša ispod bora...ovi pijati i čikare od tete els iz nizozemske za naše unuke su mi posebno dragi...a doručak je bija jednostavan, integralni kruv sa sjemenkama od suncokreta malo sira i salama...ma vidite ovega kolača kojega je čer ispekla on se jide u vrime od božiča do nove...

a ovod su moji pokloni, termometar za mirenje temperature spize tekučega cukra i sl...a i ovi termometar desno doli je za obisit u pečnicu nadaje čer je od naših šipaka napravila đem a kupila mi je lipi đem od dunja...austrijski cukar u kockama se more duperat za tursku kavicu...ovi bruškin je od rostfraja a ona gamela je za pinit mliko i bilanjak...a sasvin desno je posuda sa siton za posut kakao koji duperan za makijato...

svake godine ista pisma, za božične blagdane se jide i pije više nego obično ma nek je tako, taka je tradicija iako mi je sve to pomalo suvišno...samo kad se sitin kako je u svitu koliko je gladne dice i nemočni onda mi dođe da poiden sengvič i popijen čašu vode...ali eto veliku politiku kreiraju karijeristi a obični puk je ti koji kupi mrvice i onda se na ovi dan malo išvoga ko dače doč kraj svita...na kraju, evo van ča smo mi danas jili...

ovo je matovilac sa kruškama mariniranin u limunu a priko tega nagratanega parmezana i isfrigani pinjola a dresing je bija malo senfa, meda, kvasine, maslineva uja, soli papra...to nan je bilo predjelo...

dinstana srnetina sa lovorom, smričkom, timijanom i crnin vinon...a uz to pečeni jelen sa šugom od divjega šipka i vrhnja...dinstani crveni kupus, prokulice i kunpir sa fetama tikve koji je gratiniran...to nan je bilo glavno jelo...

austrijsko vino carpe diem od kuče moser je bija izvrstan izbor moje čere...stvarno smo ga o gušta popili...

a ova torta od kvarka je bija finale...od lipi malina sa pistacijima šlagom i piškotima koje je moja čer ispekla...mmmm...unuci su guštali...