Dalmacija moja inspiracija

Kome češ ako nečeš svome...evo malo reklame za Barbaru i Ivana...ma Barbara van je čer od moje sestre eto da se zna...onda ovako, njiova kuća jema pogled prima otelu Lav Meridien...prvo ulazima na malu skrovitu teracu to je pravi starinski patio...iza debeli drveni vrata sa velin kjučem u prizemju obitejske kuće ulazimo u Klub Argo...kuća je u starome povisnome dilu Stobreča...sve je to u Argu Ivan svojin rukam napravija, ma pravo malo čudo...puno šesna konoba koja je zatvorenega tipa oli ti kluba...vaja se telefonski najavit i onda sve ostale formalnosti vaja sredit sa Ivanon...uh, onda počimaju gušti, otvaraju se vrata gastro raja...ne očekujte ovod mikroskopski ulickanu spizu oli modernu kuvarsku fantaziju ma ništa od tega...ovod se jide domača spiza, dobra riba, lipi bokun mesa, peka, verdura a nađe se i koja rožata a o pršutu i dobreme siru da ne govorin...a uz lipu domaču spizu triba popit bocu Viškega plavca...ovod se more čakulat, smijat, zapivat u miru dok su vrata zatvorena niko van ne smeta...ma svitu moj klub Argo je misto di se more taman lipo za svoju ekipu osigurat privatnost...jemate li čagod za proslavit a ne ide van se tamo di če vas svak vidit onda je ovod pravo misto...eto dico uvatite se lavure, tako i triba, volin kad  mladi judi zasuču rukave.

KLUB ARGO

Stobreč - Omladinsko šetalište 17

tele: 021-324 724

mob: 099-586 18 95

na odrini nan je grozje lipo rodilo, dosad smo ga onako iz ruke jili ali san ove godine odlučija da napravin prošek...eto, svaka pomoč je dobro došla tako da je i unuka dala ruke...pardon noge...eno soka od grozja doli u konobi a biče prošeka jedno tridesetak litri...

ja bi ovake zidove zakonski zaštitija ma ko more platit ovaku lipotu...