Dalmacija moja inspiracija

Nije baš da smo baš često u tzv. gradu između Stobreča i Solina ali eto mora se i tamo koji put poč, ma večinon je to sređivanje slaki bankovni problema...nakon te fature volimo se opustit u Cafe Up...nama je to lipa rupa. Ako je mista onda sidemo gori na galeriju i guštamo a zalogaji su in samo taki  puno je vega i zdravja...kavica oli čaj su po miri...pušča se ugodna mužika pravi urbani graski đir samo naprid ekipa to nan triba...evo van ovod i link na njiovu web stranicu...

U ova zimska vrimena je največi gušt spiza in umido...nikad nan nije dosta ovake spize...jerbo je kreativnost i sloboda kuvanja samo taka...sa lipin komadon mesa i sa prirodnin dodacima se more napravit ludilo. Onda ovako goveđe šnjicele isfrigat sa obe bande...nasickat puno kapule na polumisece i šufigat...posut sa malo brašna...mišat pa zalit sa po litre gov.temejca...dodat kvarat litre merlota...češnjak po žeji ovod su tri režnjiča...tri kučarina nektar kvasine...dvi šake suvi šljiva brez košpice...sol i papar i dva lista lovora...sve dobro raspodilit i poklopit pa u zagrijanu pečnicu na 105 gradi celzija nek se točaje jedno 4ipo ure...

U oni pire kunpir se doda sitno gratani korjen o selena i obilato gratanega starega sira...prije posluge meknit u pečnicu nek uvati koru...tikvice su na gradela a paprika roguša prvo u pečnicu pa onda jon skinit koricu i izrizat na fete...kruv je ka kruv, kako ko oče...a mi smo pili naš merlot...

Evo je vrime malo omečilo ali još je kalendarska zima tako da je crveni kupus taman za ovo vrime...ka se kupus izriže i skuva temu se dodaju bokunići jabuke sa malo cimeta, dikod koji klinčić i list lovora...ona Moja je juneče šnjicele poklopjene u pečnici jedno 4 ure na 105 C spravila in umido, dodala je kučarin o'dalmatinski divji trava i obilato kapule, češnjaka, pinkicu kvasine i kvarat litre crnega merlota...uz to smo jili kuvani kunpir sa par kapi maslineva uja...rose merlot nan je bija taman kako triba uz ove ukuvane jabuke i štufano meso. A pošto je kupus velik onda se skuvan i olađen mekne u duboko i raspodili na nikoliko porcija a jabuka se svaki put ka se kupus dupera napose dodaje.