ovo san naša u škatuli o postola...

stovani 3LHDZ kad se kanpanel svetog duje pribaci na znjan i kad moj veli varos di san ka dite odrasta bude u potpunoj funkcij turizma...e onda bi se moglo i razmisjat o temu...moji konplimenti za oni clanak na GI-ZA Split...uskoro vise o splitu na ovome blogu...cao

jeman dva unuka i pitat cu cer ocemo li i upisat u skulu za butlere...jerbo ce to bit posal buducnosti...a dragi moji posjetiteji...navratite na site od gadjanske inicijative grada splita...a morete klikni ovod na livu bandu...pozdrav iz NL...

je bilo je stvarno super...nismo imali jelovnik...svi bi gosti dolazili kod mene u kužinu...onako nonšalantno sa čašon vina u ruku...onda bi se čagod kušalo i otvorija bi frižider i tu u kužini bi se napravila naruđba...a spiza je bila vrhunska ajde i cine nisu bile baš niske tamo nidi u rangu razvikani restorana...ali je miratalo doč i guštat...puno je članaka bilo napisano...u ono vrime smo sa tin napravili malu gastro revoluciju...gosti su sami livali vino...i dodavali cipanice drva u kamin...svi su bili na ti jerbo ko je priša naš prag bije je naš prijatej...a koje bija unutra osta bi cilu večer a i bokun noći...svi ostali koji bi tili uč unutra smo vračali vanka...jerbo je nas moto bija guštaj danas...a drugi če guštat drugi put...bilo je 28 sidači mista i samo samo nas dvoje lavurali...duperali smo takoyvanu slow kužinu...kad bi večera završila konpa bi stavija četiri-pet boca sa raznin rakijama domače proizvodnje na stol i reka po jedna rakija gre na račun a ostalo pijte koliko morete...bila su to vrimena koja se više nikad neće vratit...aaaa, još nisto često bi bilo i ovo...dvoje nji bi ostali u kasnu noć vodit ozbijne razgovore a nama se išlo doma...onda bi konpa reka eno van račun tamo na stolu mi gremo ča...punite u šteriku i potegnite vrata za sobon...da nostalgija...ma ko more to platit...

eee, vesna otkad si ti u izraelu u splitu se dogadjaju cuda...ne samo kanpanel svetoga duje vengo ce se prominit i ime od matejuske...jesi li vidila ca smo napredni...jos pinkicu pa je europa stigla ovod...zuri mi se gren kupit monture za moje unuke upisa san i skulu za butlere...ja cu po stare dane zaradjivat crkavicu od kuvanja furestima...i umisto sjor papeca cistit postole...

ajme sve mi se vrača nazad...ima van još ništo...tamo nidi u noć kad su nan gosti išli ča onda bi tribalo sve pocčstit i pospremit...normalno uz jednu lozu i koju suvu smokvu...tad bi konpa stavija AZRU i to tuta forca...filigranski pločnici...pa onda josipu lisac...indexe...bregine botune...nostalgija čista nostalgija...

da konoba...cili trogir iz amsterdama je dolazila kod nas...dok su oni prodavali čevape ražnjiče i gulaš juve...mi smo jemali ajmo reč prave bokune...oko 10 ure na večer nas zovu iz amsterdama...moremo li navratit ima li čagod...ajde dođite...reka bi konpa...tako da su i vlasnici jugo-restorana guštali ka mali prašcčči jerbo je njma čevapa bila puna kapa...a znala je past i pisma...o bičerinima čemo se još dogovorit...prišalta san sad u prvu brzinu i sad malo guštan u nešemu domu verduri vinu maslinama kužinavanje sa ekipon poč na lignje...i guštat u životu sa suprugon dicon i sa unucima...

jeeee, u škatuli jema puno tega...evo ti još jedna štorija...prije ništo vrimena ne sičan se više kad...konoba je vecčbila prošlost sidima konpa i ja u jednome restoranu...kad evo ti jedneg našeg prijateja novinara koji je uvik bija kod nas i puno o nama pisa...pa počme se jadit...ma koja je to grijota za grad da ste zatvorili konobu...i da se još uvik po gradu govori ma ča in je ono tribalo pa da pristanu lavurat...i onda pozove vlasnika tega restoran W.K. koji je naš zajednički prijatej i reče mu...očemo li ova dva dalmatinca nagovorit da naprave reunion od konobe...W.K. reče očemo li ovod u moj restoran...konpa me upitno pogleda a ja klimnen glavon ajde nek in bude kad su navalili...za skratit štoriju...novinar napravi mali članak u novine da če bit reunion u temu restoranu i tega datuma...tega dana je W.K. poludija od pusti telefoniranja ja san skuva za 125 judi koliko i more sist u restoran...ali i je bilo priko 160 gostiju sidili su jedan drugome u korpet...menu van je bija ovaki...rižot od morskega voča...pašticada s njokima...salata od radiča...paradižot...a uz kavu lipi kolačiči od mendula i orija...a uz degistiv (loza,travarica,smokovača) san pripremija pijadelu sa suvin smokvama i bokuničima šoltanskeg rogača...započelo je sa oliverom... vrhunac fešte je bija sa legendom mišom...a sa klapon trogir smo se oprostili i to...okruk selo...emocije nostalgija gušti a ča iman još napisat...

je mare bilo je originalno i iskonski...brez šminke i brez puvanja...plesalo se na stolima...prazne boce su letile u kamin...pa onda i koja čaša...pogotovo kad bi se pivala nadalina sa oliverom i borisom...svaka večer je bila drugovačija...gosti su odlučivali kaki če štimung da bude...mi smo samo bili prisutni...i sa njima guštali...gosti su imali režiju...bojin se da če bit teško ovako ništo otvorit i održat...svit se prominija...ipak je ono bila generacija nakon vrimena od flowerpowera generacija sa pozitivnin nabojem...

je pogodila si onod di najviše boli...jemali smo konobu brez mobitela registar kase magnetrona...a za svaki stol kuva san posebno... vrimena je bilo napritek...a to su bili gosti koji su boje znali bivšu državu nego ča san je ja zna...a ne ka danas...neš ti gostiju skorojeviči sa punin takujinom i sponzoruša in je na kolinima...ma da mi je doša u konobu za njega nikad nebi bilo mista...jemaš prav triba se nač koji put...čagod poist popit lipi razgovor i to je to...

život gre daje...uspomene ostaju...a kako če nove generacije svoj život organizirat...to če vrime pokazat...guštaj u životu...jerbo če život brzo proč...

ma znaš ča meni je otvaranje konobe bija rezultat moga posla ča san ga ima prije konobe...ukratko radi san u de lux restoranima...navigava na cruises brodima di je bilo 2 ijade gostiju a 1 jadu personala...karipsko more put oko svita i tako daje...vidija san cili svit..i onda ti pukne film i počmeš ništo ča je u tebi...i to je to...brez nadmudrivanja...nije bilo lako počet radit na ovaki način...ali ka je krenilo onda su stvarno bili gušti lavurat...još ništo...konpa je račune pisa za stolon od gostiju...on bi i pita ča ste jili i pili...pošto se vino livalo iz demejane a to su livali gosti normalno je da nečemo glumit policjote vengo lipo pitaš čovika koliko je popiveno i gotovo...nima u temu puno filozofiranja...

osta san brez riči...

baš mi je žaj ča nečeš navu bandu...a hyacinte tulipani i ostala lipota taman izlazi is zemje...a van gogh kuča ane frank rembrandt muzej dijamanti crvena četvrt i sve ostalo čeka itd itd...