Tuesday, February 24. 2009
buvjak u amsterdamu...
Vrime je lipo, žena i ja smo vazeli bičiklete pa onda do Amsterdama do buvjaka u Jordan kvartu, to nan je jedno osamnajst ajmo reč devetnajst kilometri tamo i toliko nazad.
Ma na buvjaku se uvik nađe čagod za duperat u kužini.
Gledan ove posrebrene perune i žlice a i ove pošade su mi drage ma samo san i malo opipa i gremo daje. Kupija san jednu starovinsku pijadelu od porculana. A žena mi je još našla jednu lipu crnu maicu dugi rukava, ona je bila nova novcata, ha,ha.
Nakon jedno desetek minuti điravanja čujen da me niko zove.
Kad tamo monsieur Martin sa suprugom, ma di vi dvoje ovod oli niste u svojoj kuči u Francuskoj a on meni a vi oli vi niste u Trogiru, a jemamo oboje prav.
Znamo se deboto dvajstipet godin oni su prodali butigu o monturi i kuču u NL i u Francuskoj započeli table d'hote oli po naši iznajmjuju fureštima dvi male kučice na svome velome imanju uz rijeku. A kad su ovod u NL onda su u svojoj vikendici. Život gre daje, nakon buvjaka i piča u kroegu (olandski za kafić) smo se dogovorili da dođedu na večeru da se malo pročakulamo i dogovorimo kad če oni do Trogira a mi do Francuske.
cooking classes and cooking tours in croatia
Di je okuka? Ona okuka šta je zovu "lakat". Usnimila je muška polovica. Ja se u to ne razumin.
( sad cu vidit ocei mi proc komentar jer sam pokusala tebe komentirat mali miljun puta i skoro uvik ode u vitar)
