evo nas ponovo u naše drugo doma...amsterdam

Svitu moj meni je lako se prišaltat na život u Olandiji...je da nan je u Dalmaciji lipo, nebi je minja za bilo ča na svitu...ali i ovod je puno tega lipega, zanimjivega i korisnega...velika liberalizacija života i ogromne mogučnosti osobnega razvoja mi pogoduje...nikakve političke veze ti nisu potribne...ako si steka znanje i peškaš poslodavcu onda nima zime...sindikati su jaki i nima tega ko bi ti zabranija bit član sindikata...atroke da bi poradi tega izgubija posal...svak jema svoj život i niko se ne pačaje u tuji život...iako zanji godin jema problema sa došljacima iz islamskih država, ma teško in pada prilagodba na liberalni i tolerantni način živjenja...ali i za nji važi, jemate šansu iskoristite je...isprid zakona su svi isti...iako jema i extremni slučajeva ali to je več posal državne sigurnosti...kako god čovik gleda ipak se ovod u Olandiji stranac vaja dobro isticat da bi se uzdiga iz prosječnosti...ma jema puno judi iz vanka koji su primjer mnogima...bilo to u kulturi, politici, sportu oli biznisu...i na kraju, jedna od užanci kad mene kad san ovod je poč na pazar i povirit koja je ponuda ribe...evo i vama pa guštajte...