Thursday, January 28. 2010
kamena kućica...maca i puntarol...
evo san vazeja macu i puntarol pa san počeja skidat stari inkarat...ča piture ča inkarta mogu van reč da jema jedno deset redi i svaki je u niku drugu koluru...tako se to prije radilo...sad kad san sve ovo oko ponistre istuka pokazala se sva lipota pučkega graditejstva...lipe vacade na zidu a tek ove poslagane na nož same od sebe držidu nasvođe ponistre a to je tipični bačvasti svod...još kad se sve ovo očisti i isfugira biče lipota kojon nima kraja...danas san kontrolira drvenariju ove ponistre, drvo o'ponistre, je daje staro ali sa malo štuka i piture mogu napravit čudo...jedino če tribat odnit ponistre u caklariju da meštar promini cakla...na ovin pragovima od ponistre je bija zaliven cimenat i to jedno dva prsta to san puntarolon pažjivo skinija i evo ti ga na pojavija se lipi domači kamen...s'kamena ču oprat i ostrugat ostatke cimenta a ove buže ču kasnije sve isfugirat...a i dobija san ovu ideju od jednega amika, kamene zidove, fuge i ove pragove od ponistre triba namazat tekučin voskom...kad se vosak osuši on postaje mat transparantan ma ništa se ne vidi da je namazan i onda je sve to lako za održavanje samo se more proč sa mokron krpon oli spužvom i nima više šporkice...eto, svaka skula se mora proč pa tako i ova...a ovod su kuće za de lux odmor nije ovako u sitno ka kod nas več je za cile familije...a ovod van je otelski smještaj u Splitu i okolici...
A zaboravila san pitat.... jesi naša koju vrčinu?
)Kod mene ima jedna.
)
Jesi već zamislija prostorije...?
Oćeš ostavit pune skale ili viseće?
Mi smo puno dobili na volumenu i prostoru kad smo ugradili viseće(metalna konstrukcija ukopana u zid, gazišta i čela ručno, drvena po miri), a izgleda berlavo, ka čardak ni na nebu ni na zemlji:))
Šta se tiče minimalizma, slažemo se, osnovno, da ma šta više lufta i da je funkcionalno...
Oćeš podove sve u drvo ili ?
Ono ka na brodu, starinsko?
Ja iman oni neki tamni egzotični kempas nero, sataren se od čišćenja, svaka mikronska mrvica se vidi, pa da znaš ako opet po kazni zbog neke ricete dobiješ usisavač i metlu u ruke na misec dana:))
Čekam daljnje radove, za za domaće biljke u dvoru nabavi pitare-znaš ono kad zamiriše kadulja, lavanda, smilje,majčina dušica,doniću ti sa otoka, te sa brda najbolje rastu(a joj, ona bidna naranča kaštelanska, satrali je bageri, baš mi je ža...)
