zimski gušti...kod kompe...

Jema dana i večeri ka se sve poklopi...eto bija je lipi dan i sa mojin kompon iz naše kultne Konobe iz 70-ti godin san se dogovorija da ču ga obradovat sa posjeton...on se pobrinija za spizu a ja san donija našu lozu i naravski naše suve smokve sa lovoron...tek toliko da da nan lipo krene...a moran ga pofalit, ka prvo jili smo lipi tingulet od morski plodova...servira i je zajedno sa špagetima od integralnega brašna...priko svega obilato grezo nagratanega sira...vino je bilo pri ruci a našlo se i malo kruva za umočit...lipo, taman nan je bilo koliko nan triba...i tako mi klopamo i pijuckamo sičajuči se dobri stari dana prija 33 godine kad smo u našoj Konobi u NL palili i žarili...dok smo tako sidili meni je cilo vrima iz kužine dolazija niki lipi vonj...ma nisan moga pripoznat ča bi to bilo, računan ča bilo da bilo ali je ovo ča vonja je svitu moj stvarno ludilo...ali kad je kompa na stol donija pečenu janječu potkojenicu deboto san pustija suzu...jerbo san to prije puno godin sam činija u našoj Konobi a sa se furba tega sitila i uvatila me na sentiment...počelo je lizanje prstiju...bilo je brokolija, čimulica, salate, kruva, maslineva uja sa kvasinon i maslineva uja sa dalmatinski travan i češnjakon usitno...a ova potkojenica se spravja u pečnici sa obilasto lovora i ružmarina...tako ka se svo meso skine sa nožen onda prilazimao na glođanje onega ča bi ostalo oko kosti...savršenstvo i ludilo od spize da boje ne more bit...svitu moj morate nas razumit mi ovako često jedan drugome bacamo delicije na pijat a ča bi drugo ka nan je drago klopat...na kraju je bilo i niki kolača sa čikolaton pa kavica sa ovin likeron od kupina oli malina više se ne sičan jerbo smo okrenili nikoliko bočica...oni zanji litrat je iz naše Konobe od prije 33 godine ka smo bili puno mlaji i luđi...sve u svemu večer koja če se pantit...eto, doli su van litrati pa pogledajte a mi gremo u nove radne pobjede...jerbo...nima odmora dok traje obnova...