Dalmacija moja inspiracija

Ove lipe debele šparoge san ojuštija a ono di je tvrđe na kraju san odriza i zajedno sa ojuštenin bokuničima navisija da se kuvaju, temu san doda lipi kus masla i žlicu maslinova uja, malo papra, soli, ja duperajen krupnu morsku, češnjaka na sitno i kučarin sušeni dalmatinski trava...

to je kuvuckalo jedno po ure...napose san u tavi isfriga dvi vrste kapule, pomidore, češnjak i doda grezega selena...šparoge san navisija u istu teču zajedno sa makarunima...

četiri lipe fete šunke san isfriga...sve san poreda u jednu teracota pijadelu i meka 10 minuti na 150 gradi u pečnicu...ali prije tega san  procidija ostatak krajeva od šparoga i ostavija i da iskuvaju...temu san doda kučarin brašna i dec mlika pustija san da još iskuva i to prilija prika svega i tek sad to gre u pečnicu...

skuvane makarune san meka u teču u koju san friga šunku i verduru sve san zalija sa malo maslinova uja doda san papra, soli, isickanega češnajka i grezo rizanega selena, tako da su makaruni uvatili i sok od verdure i šunke sve san dobro protresa i izmiša...šparoge san izvadija iz pečnice...Ona i ja smo sili za stol i lipo se pogostili platija je merlot i bilo nan je po guštu...više o spizi jema van  ovod culinary croatia...a ovod van je koristan website o otelskome smještaju u Splitu i okolici...

Jednostavnost života u Dalmaciji se najboje more vidit na pazaru, peškariji i doma u kužini.

Sve manje znamo guštat, komercija nas pritišče sa svi strana a polufabrikati nan se jakon marketinškon kampanjom utiravaju na pijat. Evo je vrime od artičoki, boba i biži a nađe se i još koji mac šparoga.

Onda vaja čagod i poist zato triba vazest uja, soli, papra, kruva, vina, malo friške ribe i verdure.

Inčuni iz salamure su ka stvoreni za marendin.

A hobica na salatu je vrhunac jednostavnosti i užinavanja. Salata je ubrana iza kuče u vrtlu a vino natočeno doli u konobi. Za okripit se je ovi med iz Žrnovnice ka stvoren. Ma moran ga pofalit ako ništo onda poradi tega ča su mi roditeji iz Žrnovnice...i di je oaza čistega zraka i ugodne mikro klime...a tako je blizu mora.

Kako če generacije iza nas jist veliko je pitanje. Morete li zamislit, poteštat grada Splita se vozi majbachom a na zanjemu sicu mu je kil i po janjetine sa mladon kapulicon i sve smotano u kartu od cimenta...ajde nima veze, ma to je sasvin OK...spiza mirita...dok mu se u njegovu šoping centru u Splitu smistija oni lanac tzv.spize koji za maskotu jema klauna. Evo mi je priko šest banki i samo san jedan put to ča oni zovu spiza ija, ma mora san jerbo ništa drugo nije bilo otvoreno...a bi san gladan...još mi se okriče u trbuju. Ma luđe ne more bit i sad budi ti pametan. Svitu moj tribamo otvorit oči, komercija nas davi brez da to osječamo. A ča če ostat od spize...ma ko to zna.

cooking classes and culinary tours in croatia culinary croatia

luxury croatian villas

dok je stađun od šparogi evo van još ništo za poist...kunpir iskrižan na žigice...oli po struci...pommes allumette...isfrigan i na mišanome uju...tribaju bit isfrigane...napose san zamutija nikoliko jaja...onako kako i je nadalina mutila...i ptrilijen priko kunpira...temu dodan ogratanoga sira...jedno desetak lističa u peštaduru ispeštanega origana...ja duperan friški a iman ga u đardinu na svakome knatunu...sol i papar...onda poredan vrje od šparoga... i sve meknen u pečnicu...grijanje je odozgo...nek uvati boju i koricu...malo grezo rizanega selenova lista pospen...salata je iz vrtla a kvasina je domača...a od debjega i tvrđega dila šparoge san napravija vega juvu...nima puno filozofiranja...triba se uvatit jist...