Dalmacija moja inspiracija

Jednostavnost života u Dalmaciji se najboje more vidit na pazaru, peškariji i doma u kužini.

Sve manje znamo guštat, komercija nas pritišče sa svi strana a polufabrikati nan se jakon marketinškon kampanjom utiravaju na pijat. Evo je vrime od artičoki, boba i biži a nađe se i još koji mac šparoga.

Onda vaja čagod i poist zato triba vazest uja, soli, papra, kruva, vina, malo friške ribe i verdure.

Inčuni iz salamure su ka stvoreni za marendin.

A hobica na salatu je vrhunac jednostavnosti i užinavanja. Salata je ubrana iza kuče u vrtlu a vino natočeno doli u konobi. Za okripit se je ovi med iz Žrnovnice ka stvoren. Ma moran ga pofalit ako ništo onda poradi tega ča su mi roditeji iz Žrnovnice...i di je oaza čistega zraka i ugodne mikro klime...a tako je blizu mora.

Kako če generacije iza nas jist veliko je pitanje. Morete li zamislit, poteštat grada Splita se vozi majbachom a na zanjemu sicu mu je kil i po janjetine sa mladon kapulicon i sve smotano u kartu od cimenta...ajde nima veze, ma to je sasvin OK...spiza mirita...dok mu se u njegovu šoping centru u Splitu smistija oni lanac tzv.spize koji za maskotu jema klauna. Evo mi je priko šest banki i samo san jedan put to ča oni zovu spiza ija, ma mora san jerbo ništa drugo nije bilo otvoreno...a bi san gladan...još mi se okriče u trbuju. Ma luđe ne more bit i sad budi ti pametan. Svitu moj tribamo otvorit oči, komercija nas davi brez da to osječamo. A ča če ostat od spize...ma ko to zna.

cooking classes and culinary tours in croatia culinary croatia

luxury croatian villas

E moj barba Smoje i boje je da vas nima...ovod su van samo papani na vlasti gulidu narod a lupeština je na sve strane...Matejuška još nije sređena...još uvik tražidu nike bombe rašpe i rivolvere, kažu triba i tražit tamo di je bija Gusarev Dom...još če oni to tražit...uskoro če lokalni izbori pa če se jopet počet pisat da van triba dignit spomenik...samo da bi se uvatija koji glas na izborima...ona buža o sunpora na Rivi je još uvik začepjena ali se još čuti...da je Slobodna u Dugopoju to ste čuli...niman komentara...ekipa če danas ka i uvik se nač u Belvija...ma jebe se nji za recesiju i ostalo samo nek se nađe koja bibita i baci čagod u kjun...pozdravi ekipu...i daj javi kako je Dino jeli se naša sa Borison...pozdrav iz Kerumlata...                                                                             

cooking classes and cooking tours in croatia  culinary croatia

luxury croatian villas

današnji dan mi je dan za uspomene i razmišljanje...na današnji dan 1991 mi je umra papa...malo san cvića odnija koju rič reka i malo sredija grobnicu u žrnovnici...evo van lipi litrat limene glazbe iz žrnovnice...pape je u donjeme redu treči sa live bande...kraj njega u crnemu veštitu mu je brat kojega su okupatori ubili...a livo od pape mi je barba...bija je oženjen sa papinon sestron...glazba je išla u partizane...a dida...materin otac drži barjak...ova ekipa na drugeme litratu su bili veliki prijateji a pape sidi doli livo...koliko se sičan to je bilo nidi '36 '37 godine...to su bili pivači koji su divojkama pivali serende a pivali su i u crkvi a pape je bija prvi tenor...a serenade su pivali i mojoj majci...život gre daje mater je još živa...a uspomene ostaju...