Dalmacija moja inspiracija

ovo su van mandarine od zanje berbe...bilo je deboto sto osandeset kili...dali smo materi sestri bratu...onda ovod u NL čeri i sinu...unucima...pa pokloni našin prijatejima...a i mi smo se gostili...i evo ovi litrat su van zanje mandarine...ka i svake godine tamo nidi pri uskrsa se sve pojide...i tako svake godine...ravnat se po stađunima je naš cilj...koliko čemo u temu uspit pokazat če vrime...

prid božič smo uvik doma u trogiru...pošto nan je kuča sa svi strana zaštičena sa zimzelenin biljen još nan se nikad ni dogodilo da nan agrumi smrznu...osin ako je taka prognoza...onda nima druge vengo se na brzinu sve pobere...ča san tija reč...kad ujutro gren do dučana kupit kruv i mliko uvik na povratku uberen naranče za štrukavanje...a nakon obida obavezno poidemo desetak mandarina...ti smo đir uvatili ima puno godin i mogu van reč da nan odgovara...ja van mojin prijatejima u NL znan reč da nan sok od naranče raste na cablu samo se triba malo potrudit prije nego ga moš popit...znan da če niko reč asti miša štrukat naranču to znan i ja...ma je i ta stoji ali ja san samo tija reč da nan male stvari činidu velo zadovojstvo...a ovi kupus i kapulu mi moj dobri susid svake godine pripremi tamo nidi krajen lita kad mi gremo u NL tako da nas čeka malo naše ali zato slake verdure...