Dalmacija moja inspiracija

guštanje sa unucima i sa našon dicon...

đirade po svitu... 

malo ču molat sa pisanjen a tamo nidi u prvoj šetimani 2012te če jopet bit novitadi...

svake godine ista pisma, za božične blagdane se jide i pije više nego obično ma nek je tako, taka je tradicija iako mi je sve to pomalo suvišno...samo kad se sitin kako je u svitu koliko je gladne dice i nemočni onda mi dođe da poiden sengvič i popijen čašu vode...ali eto veliku politiku kreiraju karijeristi a obični puk je ti koji kupi mrvice i onda se na ovi dan malo išvoga ko dače doč kraj svita...na kraju, evo van ča smo mi danas jili...

ovo je matovilac sa kruškama mariniranin u limunu a priko tega nagratanega parmezana i isfrigani pinjola a dresing je bija malo senfa, meda, kvasine, maslineva uja, soli papra...to nan je bilo predjelo...

dinstana srnetina sa lovorom, smričkom, timijanom i crnin vinon...a uz to pečeni jelen sa šugom od divjega šipka i vrhnja...dinstani crveni kupus, prokulice i kunpir sa fetama tikve koji je gratiniran...to nan je bilo glavno jelo...

austrijsko vino carpe diem od kuče moser je bija izvrstan izbor moje čere...stvarno smo ga o gušta popili...

a ova torta od kvarka je bija finale...od lipi malina sa pistacijima šlagom i piškotima koje je moja čer ispekla...mmmm...unuci su guštali...

Tamo nidi polovicon prosinca zove me čer i kaže za Božič ste naši gosti ja pravin obid za četrnajst peršona doče i zetova familija. Kažen ja maloj, ma daj mala...a veča je o mene...u drugome si stanju ka i nevista...daj da ti ja dan malo ruke.

Ništa pape eto van unuci pa guštajte kad bude vrime rizanja mesa onda poviri u kužinu. A meni je mrsko da se moran igrat sa unucima.

Svitu moj meni je ovo po guštu kuča puna svita dica trčidu okolo ispadaju in oči od poklona. A cila ova ekipa je prava mišanca od judi i zanimanja.

Zetova mater i njezin životni saputnik su umjetnici. Sin se bavi interneton ne samo dasurfa več daje posal dvanajstorici programera.

Nevista je režiser u teatru. Supruga je u mirovini dosta jon je bilo komercijale.

A ja san hebi vitar malo posal, malo spiza, malo ništa, malo blogiranje, malo vino, malo vrtal, opet malo ništa i tako sva nanovo.

E sad moran pofalit našu čer napravila je lipu mišancu od spize. Malo je namignila na Mediteran, Dalmaciju, pa  malo slobodne inpresije, diko koja Olandska batuda, lipo tako i mirita kad su mišani brakovi u điru.Nakon predjela di je bilo Parma pršuta pa onda marinirane balancene sa italijanskin siron doša je red na glavno jelo. Veprovina nadivena sa suvican, šljivan, pinjolima...

a za poklon je svima dala jednu šesnu košaricu sa slakin delicijama morete je vidit na njezinu blogu...ma evo van blog

Sve lipo marinirano jedno dva tri dana. Uz kolače, koje je čer pravila, gušt je bija poist slako od dunje uvajano u cukar.

Eto svitu moj, bilo je lipo, dica su guštala a mi smo malo čakulali jili, pili i vodili zanimjive razgovore.Život gre daje triba čekat promaliče da se potomci priduplaju...biče smija...

cooking classes and cooking tours in croatia culinary croatia

luxury croatian villas