Dalmacija moja inspiracija

šljive...brusnice...mendule...orije... brašno...ovčje sireve...bakalar...fažol i druge delicije ča su mi tribale u kužini...san kupova u ovoj butigi bilo je to krajen 70 ti i početkon 80 ti godin oneg vika...Dalmatinska Konoba u NL je bila jedno pedeset metri daleko...priko puta je bila butiga di je bila friška verdura...ma zašto van ovo pišen...ma jučer san kod

neline gustirne pročita lipi post o bonačiča butigi u splitu...di se i meni vračaju uspomene na moje ditinjstvo i mladenaštvo koje san proveja u splitu...a u bonačiča san ka dite često bija...ma tija san van pokazat da ovod u NL još uvik jema slični butiga di se još more između ostalega refužo kupit pet šest vrsti brašna kojega još uvik mlije 300 godin stara vjetrenječa...spiza je onaka kako se prije duperevalo...u butigu judi ostave koji šold više...ali zato jidu ono ča je priroda brez modificiranja dala...je da je butiga malo dricana da bi odgovarala modernemu načinu poslovanja...ali je glavno da je ponuda unikatna i po miri kritičnega konzumenta...volija bi da se ovaki zanji mohikanci uspiju održat i opstat i u Cro prije nego i trgovački lanci ne poidu...pet minuti je podneva...ne dajmo se...dica če nan bit zahvalna...