Dalmacija moja inspiracija

Bija je lipi dan, moja boja polovica i ja smo se zaletili do Splita da vidimo kako je Matejuška dricana i pripravjena. Prvi utisak je bija OK...je mirita doč ovod...oni kondut mi nije baš nikako dobro ispa ali more proč sve ostalo je više nego OK... bravisimo šjor Šegvić.

Za me koji san dite Matejuške, jerbo san ditinjstvo proša u Velome Varošu je najlipše bilo vidit one lipe ploče na tlevu di je ispisana štorija o Matejuški...ka dite san fangava matice i prodava i ribaru Šantu i ostalima i od ti dinari smo mi mularija kupovali karte za u kino koje je bilo malo zapadnije di je prije bija otel Ambasador a onda kino Jadran.

Tamo di je Fife bila je jedna ajmo reč funtana di se rukon mogla punpat voda a nasuprot isprid oni kameni kuća su se prodavale srdele...a barila su bila na tlevu malo nakrivjena, ribari bi mekli straga jedan matun a srdele su se motale u Slobodnu...

a tek vonj o sunpora koji je to pravi vonj bija...ko da su se jaja pokvarila...ma ke gušti...a kad san bija dite onda bi sa materon, ocon, braton i sestron iša u šetnju do Zvončaca i nazad do kapetanije...a uvik bi iša na oni mali salbun koji je bija u produžetku Marmontove vonjalo je na fangu i sunpor ali nima veze to je za nas bilo normalno samo bi purgeri i furešti čepjivali nos...ko da oni ča znaju ča je gušt vonjavat...ajde bilo je dosta evo van malo litrati i nemoj te se pripast ove pantagne tako van je u svakemu lučkome gradu...

litrati brez riči...