Dalmacija moja inspiracija

Uh, davno je to bilo, jema jedno 40 godin taman san se iskrca sa kruzera i osta živit u Amsterdamu...friško san oženjen a i čer se nakon godine dan rodila i godine 1975e eto nan sina i ova se sad boca otvara za njegova sina...e u to vrime ka san bija mlad san nabavija ovu bocu porta vintage iz moje godine rođenja...reka san Njoj ka nan se bude rodija nasljednik onda čemo je otvorit...i evo došlo je vrime skupila se familija, lipo se jilo i pilo a nakon obida san otvorija bocu porta...gušti oli dekadencija ma nima veze bilo nan je lipo...i sve je to već povjest...

teple litnje noći...guštanje sa svojin najmilijima ko to more platit...pogotovo ka se spremi čagod lipega i sve to se zalije sa dobrin vinon...stvarno litu nikad kraja...dok je vrime ka u prići dotle već vino iz 2011e počima lagano da vrije...sa je prišlo na tiho vrinje...ma nek vino vrije...mi smo prije ništo malo vrimena počeli pit 2010u...a u konobi se nađe i čagod iz vinske arhive...naš život je po miri čovika...

Ovo su van svitu najlipji dani u godini...još se uvik banjamo, sušu se smokve, lavuraje su u đardinu...i onda počme jematva... a vrime je ka da ga je niko nacrta...grozje je sazrilo i jema puno sladora e onda je došlo vrime da se pravi vino...ka san grozje smastija iša san mirit koliko jema grožđanega cukra...21 po Babou...biće ludilo o'Merlota...ma niman više ča pisat, evo van litrati pa gledajte...a godina 2010a se taman počela pit...svitu moj pomalo sa vinon da ne bude belaja...mi se držimo ovega, po litre za obid udvoje...a onda koji put vanka škvare ka nan dođu prijateji oli familija...ako ovako nastavimo onda bi mogli i u dubokoj starosti da guštamo u vinu...