Dalmacija moja inspiracija

evo san danas prikinija tradiciju...uvik kad san u rvackoj san na marjanu na ovi dan...ali eto nikako smo se oboje digli na "livu" nogu...tako da smo umisto u šetnju po marjanu učini đir u prirodu nedaleko naše kuče...ubrali smo malo cviča i napunili vaze...sitili se kako je nikima život težak i onda se vratili u kolotečinu života...u temu životu san svašta radija ali san večinom bija sam sebi diretur i radnik...a jedno vrime i drugima poslodavac...sad je sve došlo na svoje opet radin san za se...ali kad vidin prava radništva ovod u Cro onda mi se diže želudac...to van je tako...kad više nima dežurni krivaca onda udri po onima koji su ovisni o tebi...samo sa sindikalnin zajedništvom se more ništo prominit...e a to je več politika reka bi pokojni Meštar...zato neču politiku u moju butigu...da van je dobro proša ovi lipi dan...

tija bi van pokazat butigu od Adrie...ma ona van je pravi umjetnik...sa cvičen more sve...prije jedno deset godin smo bili poslovni partneri ona je bila aranžer a ja san ima firmu za distribuciju cviča...a i u Cro je znaju...ima bit jedno 13 godin čini mi se da je to bilo odma nakon rata...organiziralo se da pođe u Požegu i tamo je napravila workshop za lokalne cvitne aranžere a bila je i prodaja cvitni aranžmana...prikjucer san bija povirit kod nje popili smo kavicu i malo pročakulali o starin dobrin vrimenima...butiga je tako šesna i zrači kvaliteton da san to tija i sa vama podilit...neka litrati govore za se...na onemu drugome litratu je maslina u pitaru to je ovod velika moda...još ništo njezin dragi Lowie je vinolog i prodaje vina iz cilega svita...ka ča vidite lavura...samo lavura...a dok je lavure bi če i nas...

cilu zimu nije palo niti 2 centimetra sniga...a taman dva dana prija uskrsa je počeja padat snig...a svudi je cviče i cabla su napupala...a vidite ovu našu magnoliju da jon je bilo još dva sunčana dana lipo bi se rascvitala...ka času ove visibabe...evo čitan priko interneta da je na biokovu osan ispod nule...a ovod u NL je dva poviše a noču tri ispod...ma luda kuča cila se klima prominila...jeli morete virovat da su judi u NL počeli sadit masline i smokve...a ružmarin i lavanda su več niko vrime ovod...to bi značilo da bi ja u trogiru triba sadit mango oli banane a moga bi i liči i caranbola sve van je to tropsko voče...a u novine je pisalo da če vrhunac turističke sezone bit na promaliče i na jesen a da če liti bit tako vruče da če manje furešti dolazit...ma ne more čovik ovo belivit...