Dalmacija moja inspiracija

Ove lipe debele šparoge san ojuštija a ono di je tvrđe na kraju san odriza i zajedno sa ojuštenin bokuničima navisija da se kuvaju, temu san doda lipi kus masla i žlicu maslinova uja, malo papra, soli, ja duperajen krupnu morsku, češnjaka na sitno i kučarin sušeni dalmatinski trava...

to je kuvuckalo jedno po ure...napose san u tavi isfriga dvi vrste kapule, pomidore, češnjak i doda grezega selena...šparoge san navisija u istu teču zajedno sa makarunima...

četiri lipe fete šunke san isfriga...sve san poreda u jednu teracota pijadelu i meka 10 minuti na 150 gradi u pečnicu...ali prije tega san  procidija ostatak krajeva od šparoga i ostavija i da iskuvaju...temu san doda kučarin brašna i dec mlika pustija san da još iskuva i to prilija prika svega i tek sad to gre u pečnicu...

skuvane makarune san meka u teču u koju san friga šunku i verduru sve san zalija sa malo maslinova uja doda san papra, soli, isickanega češnajka i grezo rizanega selena, tako da su makaruni uvatili i sok od verdure i šunke sve san dobro protresa i izmiša...šparoge san izvadija iz pečnice...Ona i ja smo sili za stol i lipo se pogostili platija je merlot i bilo nan je po guštu...više o spizi jema van  ovod culinary croatia...a ovod van je koristan website o otelskome smještaju u Splitu i okolici...

Angriz san navisija kuvat a u vodu san doda dalmatinski trava, nasickanega češnjaka i grezo izrizaneg selena...vazeja san komad alufolije na sjajni dil ču meknit spizu...onda ovako losos san meka na foliju priko tega poriluk sol papar češnjak maslinovo uje i niti po deca bilega vina...

sve dobro smotan da ništa ne izlazi vanka i to se mekne u ugrijanu pečnicu na dvista gradi jedno 15 do 20 minuti zavisi koliko je debela feta lososa ...napose san isicka kapule, male pomidorica, selen, češnjak i sve isfriga na maslinovu uju...temu san doda kučarin masla...i sve pomiša sa angrizom...

kad je losos gotov sve lipo složin a žlicom prilijen oni sok ča je osta na foliji i to van je to...platila je boca Zinfandela...a za dobru spizu more se poč ovod...

Kod nas u Dalmaciji se jide previše mesa, dimjenega mesa, masnoče i kruva, a ovo je rezultat...a bilo bi boje da svega bude po miri, ma barenko malo manje mesa a ribe oli ka ča je ovod škojke...vaja jist više...nebi bilo zgorega uvest jedan brezmesni dan i ti dan triba poist dosta verdure...a svaki dan vaja jist voće...ajmo sad spravjat pizdice...ja u jednu teču meknen maslineva uja...a prije tega san nasicka poriluka, kapule, karote, pomidore, češnjaka, selena na grezo, petrusimula usitno...sve san malo zažutija i doda papra...kad je karota malo smečila zalijen sve sa decon bileg vina...malo promišan i dodan pizdice i poklopin...poklopjeno stresen nikoliko puta tako da sve bude promišano...nakon tega vino sa sokon o verdure i moren iz pizdica izlijen u drugu teču i to napo iskuvan...i kad je napo iskuvano onda to prilijen priko pizdica koje san iskrenija na jednu pijadelu...a oni šest deci bilega ča je ostalo u boci je taman za nas dvoje...u životu triba pripazit sa alkoholom teško je pogodit miru...nikoliko feta integralnega kruva za pospugat šug i to van je sve...a i ovi znaju pravit spizu...