Dalmacija moja inspiracija

u jednemu lipome parku u srcu amsterdama je restoran staklenik ...klikni livo...

ovod radi mlada ekipa gastronoma kojima je ekologija i slow food životna misija...a svi organski otpatci iz kužine se konpostiraju u njiovome đardinu...evo van dokaz...

a jedno trideset kilometri vanka grada je jedna njiova farma di uzgajaju svoje voče, povrče i di su kokoše i kunići...

kod susida stočara kraj te farme nabavjaju janjetinu i govedinu za najboje delicije u ovemu restoranu...pokraj kužine o restorana je ovi manji staklenik di se uzgajaju razne mirisne žačinske trave...svitu moj ovod je ludilo o'spize...

cooking classes and cooking tours in croatia

culinary croatia

luxury croatian villas

Prateči gastronomske trendove u svitu ne moga da se na uvatin ovega ča se kod nas prezentira pod gastronomskon kužinon.

Ma sve je to glomazno brez puno fantazije a da ne govorin o proizvodima koji se dupereju za pripravjanje spize.

Kultura užinavanja još nije uvatila đira da bi se moglo razgovarat o prominama. Ima niki pomaka koje bi se mogle spomenit ali neču ovod sa imenima jerbo se bojin da još nisu razvijeni i sigurni u svojoj namjeri da održe visoki nivo.

Slow Dalmatian Food je ipak ništo drugo od onega ča se kod nas more dobit. U Splitu ima pokušaja u Trogiru nima šanse u Tučepima se more vrhunski poist, Hvar i Dubrovnik su na dobremu putu u Zadru sve gre pijanisimo ajde vidit čemo a u Šibeniku tribate poč guštat kraj katedrale sv. Jakova.

Ovi pokušaji osnivanja gastronomske skule u Splitu je ka ideja dobra, samo se bojin da če bit problema sve to dignit na jedan nivo koji bi garantira da nan se ovod u Dalmaciji pojavi klijantela koja gre od jednega do drugega restorana da bi guštala u Slow Dalmatian Food-u.

Naime kad se ništo priprema na komercijalnoj bazi onda san malo rezerviran. Nemojte sad da san posta umišjen i da se samo vatan glamura. Ovo nima veze sa glamurom, guštat u spizi nije samo eksluzivnost bogatuna jerbo ako si bogatun ne znači da se razumiš u spizu.

Za užinavat visoku kvalitetu spiza nebi tribalo puno koštat, ali nažalos u takome smo svitu sve se miri novcen.

Ali ima ništo drugo, ja san veliki pobornik organiziranja kulinarski klubova. To je trend koji se u EU razvija. U Italiji, Francuskoj i Španjolskoj postoje gastronomske farme di turisti iz puno zemaja dolazidu na gastronomske ferije i da bi se družili i čagod novega naučili.

Ma nije van sve u suncu i banjanju. Skupi se ekipa, večinon su jednospolne ekipe, ma ima i bračni parovi ali onda bude puno karanja, iako i u temu jema puno iznimki. Onda ovako, naprimjer muški imaju svoj dan u vikendu dogovoridu se za menu, i podili se posal, s tin da se slijedeču šetimanu sve minja.

Ko je pravija predjelo sad če pravit glavno jelo, a ko je pravija dezert prat če sude, tako da svi dođu na red. I nakon spravjanja spize jide se pije diskutira i kreira novi menu.

Ovo su ozbiljni klubovi, niki klubovi idu tako daleko da se od članarine i donacija kreiraju profesionalne kužine. Pozivaju se vrhunski kuvari da in budu gosti i oni in otkrivaju svoje ricete. I jemaju svoje sponzore.

Možda je ova štorija malo deplasirana u ovo vrime kad nan je stigla recesija i kad smo postali robovi kapitala. Ali uvik mislin da mora ostat vrimena za lipe stvari a meni je na prvo misto dobra spiza i dobra kapjica.

cooking classes and cooking tours in croatia culinary croatia

luxury croatian villas

litrati brez rići