Dalmacija moja inspiracija

amsterdam

van je ovod i šajen van litrate o štekati koji se ko nji duperaju...a ka prvo evo van ovega litrata iz brončanega doba nek dočara kultno misto o kojemu pišen...nakon tega oni litrat od restorana atrij u zadru van more sve reč...kako van triba štekat bit i kako ga je lipo vidit...zrači kulturon... a o amstredamu van ne triban puno pisat...kad san vlasnicima kafiča pokaza litrate o inberlanin katrigama sa spliske rive svi su se počeli podsmijavat...i večina kaže...oli van grad zapovida kako čete štekat opremit...i koliko stoli morete imat...kad san reka da je tako...nisu mogli virovat...pa prošlo su vrimena kad je država take stvari određivala...nikako nisu mogli peškat da se na tako opremjenoj rivi more zaradit novac...kad san in reka koji inkas imadu pojedini lokali pali su u afan...još mi je jedan njiov ugostitej reka...kad bi ja ima ti pogled na more i ti kultni prostor a našu slobodu poslovanja u pet šest godin bi se obogatija da bi bija mirakul...letili bi jastozi mušule fina vina i šanpanjci po vašoj rivi...i još me pita triba li grijat te štekate ka ovod u amsterdamu...ma koje grijanje imamo sunce...daje nisan tija ništa pitat...sve su mi rekli...a ja opet ponavjan triba one iz banovine prisilno poslat po europi...dat in trista eura po glavi i da po cile dane gredu od štekata do štekata...da se nauče ča je ugođaj i šušur...šušur se dogodi san o sebe a ne na umjetni način ka na spliskoj rivi...samo da bi se moglo reč vidite da na rivi ima svita...ma dajte molin vas svaki grad na svitu bi je napunija...samo je mi neznamo napunit...kako restoran adriana more posluživat spizu i bibite na one greze stole koje su in oni iz banovine tili namistit...podržajen ih ča su mekli nove stole i katrige...da je bilo čekat na birokraciju mogli su tri puta bankrotirat...svaka čast bobisu lipe katrige i stoli...kod nas van je uvik ista pisma...znate li onu...dajte dite materi...tako i triba dat posal ugostitejima...najboji primjer nešušura je bija kad je na proliče bila u spliskemu portu regata osmeraca...čin je regata završila svi su pobigli doma umisto da se visi na rivi prepričava kako je bilo...čagod se zalogaji i popije...žalosno i jadno tugo moja...i na kraju još ništo...judi moji ča je teško priznat da se falilo...a samo triba reč...puče grada splita falili smo...izabrali ste nas i od danas čemo vas počet slušat...a moj bi pokojni dida reka...jeeee, kad mi naraste nokat onod di ne more rast...onda ovako litrati iz amsterdama su van...teraca otela amstel sa šesnin brodima koji su za otelske goste... teraca otela american u srcu amsterdama... a ostalo su van kultni trgovi amsterdama...leidseplein...rembrandtsplein...spui...i dam...štekati su brez šminke i jednostavneg uređenja...štekati su dil grada

upravo san dobija informaciju da je grad split kad se kanditira za zlatni cvijet europe posla litrate o stare rive...svega san u životu vidija oli ovo je vrhunac...ne samo da je glupo nego je i bezobrazno naspram svega ča je u zanje vrime učinjeno na rivi...sramota...kliknite na GI-ZA SPLIT...a ča nisu poslali ovi prizanji litrat za takmičenje zlatnega cvijeta...naime ovako van danas izgleda hortikultura na rivi...boje reč nekultura...

spliska riva mi ne daje mira...opet su mi bili prijateji u vižitu i tili su vidit to arhitetonsko

"čudo" od rive...ovi put smo samo prođirali a ja san litrava novitade okolo štekati...eno isprid adriane su mekli normalne lipe stole i katrige di se na stol more meknit pijat kruv i bibita...skidan in kapu na odlučnosti...vrime i prilike kreiraju naše društvo a ne birokracija oli niki arhitekti ča se vataju na autorska prava i intelektualno vlasništvo...pari ko da nikad nisu sili za šteket popili kavu čakulali oli čagod zalogajili...počelo je judi počelo...dikod koji pitar i koja maslina u njemu...malo zelenila u pitarima lipi oleandar i šesni stol sa bibitama...malo udobnije katrige...i još kad se ispilaju višala i dizalice onda smo na po puta...a kad matejuška bude gotova onda moremo reč da je miritalo barenko malo...a ča se tiče ovi nagrada koje se dilu arhitektima rive samo bi tija meknit par riči...di je ovod pamet...daju nagrade za ništo ča gre u reviziju...za dat take nagrade triba ima bit vela skula i vela pamet...uoostalom po meni je kriterij nagrade bija koliko se tona cimenta ugradilo u technobetonske ploče...ajme nama sa takima...gremo daje od rive...ma normalno je da nečemo otod sist...mi smo sili na skalinade o peristila i guštali...mužika je nenametljivo svirala bilo nan je po guštu...taman je peristilom proša naš najboji poteštat splita nan grada šjor profešur...ajde znate vi njega...malo smo čakulali o campusu i o zbrinjavanju škovaca pomoču plazme...malo je nji u banovini koji ga obadaju...to van je tako judi moji kad si bija poteštat u mraku...a sv.duji san prišapja ča san na rivi vidija i da su doli dilili nagrade...i odma nakon tega je počeja zvonit...pripa san se...ma nije me vajda čuja...ma polako sv.duje probudit češ one u banovini...

evo šajen rođendanske kartoline puku grada splita i lipe nan dalmacije...ovo su van kartoline iz niki davni vrimena...vrimena kad se nije dupera tehnobeton...kad su naši stari višala koristili za obisit pršute...a dizalice su bile u škverovima...kad su u portu bili trabakuli...kad se vino sa škoji donosilo u bačvan...a na matejuški je isprid svake kuče bilo barilo sa slanin srdelama...a riva je vonjala po friškini i sunporu...malo daje uz more kalafati su lavurali na brodima...maške bi čekale da in ribari bacu koju srdelu...polako bi se picaferaj spušča niz senjsku kalu...a fakini su se vračali doma...e sad kad san van ovo nabacija niki če reč...a to bi lako mogli bit novokonponirani bogatun oli kako i ja zoven falši spličani...ajde moj čovik lovit nanare i žbirce nisi ti za moderna vrimena... #da moderna vrimena ajme smija#...vrimena kad se ne slušaju riči puka...vrimena kad se u gluposti potrošidu šoldi ti isti šoldi koji su vazeti od puka...vrimena kad se falije i kad se krivo napravi...vrimena kad se nima obraza priznat da se falilo i krivo napravilo...vrimena kad se stvori povjerenstvo koja če ka ono dat savjete onima u banovini kako triba prominit rivu...vrimena kad mi se riga na take gluposti...vrimena kad se u oči baca prašina...vrimena kad se ne upravja nego gospodari gradon...ajme meni svitu moj ča je ovo u gradu...sveti duje pusti suzu...tuga je na rivi...ma nije samo na rivi...tuga je svudi oko nas...sveti duje pusti suzu...#...fala krstulovićima na starin kartolinama splita nan grada...#