Dalmacija moja inspiracija

ma ča su ono učinili od rive...koji su to papani da čovik poludi...ima bi da ti isti ča čaraju našin životima nikad nisu bili na rivi oli su blentavi da ne razumidu ča je spontano skupjanje puka...najdemokraskije misto...di nima povlašteni ka ča je sad postalo...ma judi moji ukrali su mi ditinjstvo kad san se ka dite spušta sa kareton na balinjere niz senjsku kalu sve doli priko šperuna do funtane...sve su mi ukrali samo je još ostala matejuška koju su dricali ali je nisu pokvarili...a sad riva koja je u moje ditinjstvo i mladenaštvo bila isto taka za izač ka ča mi je bila i pjaca...evo van par litrati a pogotovo ova šetnica sa dva reda šentadi i palmi...lipo okrenute prima moru da se penšjunati mogu ogriijat na suncu i di se bacaju batude o brodima koji arivaju oli partiju na škoje...a evo ovo san snimija u tel avivu koji je isto tako unseco grad...stavili su na tle ove lipe brončane ploče...ovo bi se moglo i u split trogir dubrovnik i šibenik stavit...ka ča je ovo lipo zvono u kanpanelu svetoga dujma napravjeno...

kad se od marine vozite prima rogoznici vidit čete tabelu sevid...ajde tu onda skrenite i vozite kroz mali kanjon do na vrj brda...dođete u zaselak lovriči...kalajte malo sa brzinon jerbo je usko a ima i dice i kokoši po cesti...kad izađete iz zaselka a to je sve skupa par stotin metri na livu bandu je jedna gomila bovana e tu skrenite na livo bila je i jedna tabela na kojoj je pisalo vinišče...sad ste došli na makadam ali se more vozit...nakon jedno pet šest stotin metri van je jedan put na desno di je nikad bila tabela stari trogir ali su je jema bit razbili...vozite tin puten na desno dok van ne pukne ova panorama ča je na litratu od ovi lipi škoji...sad ako želite morete ostavite tonobil dikod sa strane i onda šetnja do mora oli se lagano spustite doli...mali savjet ako se spustite doli tonobilon onda se triba vračat nazad ali samo u prvu brzinu brez zaustavjanja jerbo je veli uspon...i pomolit se da niko odozgo ne vozi...doli van je prilipa uvala...po sredini uvale su stare rimske terme a livo i desno od termi dvi plaže sa salbunon...di se more bacit na picigin...rimske terme su pripuščene elementima prirode tako da se deboto raspadaju...a mogu van reč da ni nama nije baš briga za tin blagon...devastire se ko od naši primitivaca...pri dvi godin
su ništo konzervatori ka radili ali sve je to luk i voda...vajalo je onda sve ogradit a ne ovako da se more radit ko ča oče...liti je na temu lokalitetu izbrojeno priko sedandeset auti...strašno...naša posla...to van je ka ono sagradi kuču useli a nikad je ne inkarataj...ovo roza na litratu van je kutna banja i obratite pažnju na oni korniž di van dođu leđa kad se točate...znali su rimjani kako se triba točavat...pazili su da te nebi kosti zabolile...kažu judi da su te banje bile na to misto jerbo su tu veli izvori pitke vode...malo poviše onega salbuna je još uvik vidjivo di su ti bunari...i dok su manovali nosili vodu na brode gospoda su se banjala...a ovo voče ča vidite su van maginje...rastu svudi okolo...mislin da ne triba govorit da ih ja duperan za đem...to van se triba izgnječit kroz fino sito jerbo jema puno sitni košpica na juski...a ča se tiče picigina ovod se boje more skakat i bacat vengo na spliskin bačama...oda ču van jednu tajnu...šjor ecclestone njegova supruga slavica su u toj uvali svako lito na svojoj velebnoj jahti......

evo me na kanpanelu svetoga dujma...da se razumimo u splitu...a kamera je namiščena prima krovu mauzoleja cara dioklecijana...na krovu se nakupilo dosta prašine tako da je sime od trave i cviča počelo klijat...nema veze kad počme prokišnjavat onda čemo se sitit da bi krov tribalo popravit...