Dalmacija moja inspiracija

evo san nabasa na ovu informativnu ploču stavjenu na zidine kod pila...vama san dužan dat nikoliko litrata o razaranjima dubrovnika...ostalo je povjest...

parilo je da smo japanski turisti koji europu prođiraju u 5-6 dana...tako i mi...imali smo tri ure vrimena za lutanje i guštanje...računan ajde kad san več ovod onda ču napravit čagod litrati da podilin ovu belecu sa vama...triba se samo slegnit oli ispružit vrat pogledat priko ramena i onda se otvara svit of world heritage...i tako mi banemo do ove butige od zanjega barbijera u dubrovniku da se razumimo starega zanata...mota i gušta...u ratu je bilo puno sčete ali život gre daje...da san ja na mistu gospoje šuice onda bi gosparu hrvoju da plaču sa obavezon da butigu ostavi kakva je sad...jerbo dok smo mi malo čakulavali došla je cila grupa sayonara turista i klanjali se do tleva sa molbon dali mogu napravit koji litrat...više dubrovniku vridi ova butiga nego sve razvikane butige po stradunu jerbo tega jema i u njiovin državama...ovaku reklamu triba čuvat ka zjenicu oka...a ne ka u splitu na vočnome trgu di je stara barbijernica postal šik butiga di dolazidu samo sponzoruše...na kraju eto van litrati i guštajte...ja gren popit žmul vina...dosta je za danas bilo...

triba san ništo poč poslon do dubrovnika...ajde računan uvatit ču par sati vrimena da se spustin do starega grada i na napravin nikoliko litrati...uvik če vridit imat...nakon ča je danima padala kiša...ma taman kad smo mi (supruga i ja) došli nadomak dubrovnika je sunce probilo oblake...tako da su bili gušti prošetat se kroz kalete i skalinade...evo van prvi dil reportaže...niman ča više pisat litrati govoridu...a biče još tega pomalo judi moji dije priša...ajma zaboravija san kad smo se vračali doma tija san odat poštovanje mojin blogerima iz makarske time da malo svratin u grad na kavu i da otvorin oči...moji konplimenti za ovi restoran ivo kava je bila samo taka u teplu čikaru kako i mirita...a toaleti su na visini kakve nismo trefili ni u razvikanemu dubrovniku...bacija san pogled na menu kartu...o spizi ne mogu ništa reč ali čistoča...sve blista...ma dragi moji di je čisto tu je i spiza odlična... BLMMOG skužaj nisan ima vrimena se javit...prinesi konplimente ovemu restoranu...