Dalmacija moja inspiracija

vrimena su se prominila sve je postalo moderno i brzo...kuva se mikrovalno i ča ti sve znan kako...ali kad se ovod ispeče kruv ispod peke oli se baci na gradela...a tek tinguleti u bronzinu...to su pravi gušti...doče vrime kad če se ovako spremjena spiza plačat po zlato...

cila ekipa ima nas šestero volimo se nač svake treče šetimane u misecu i onda se oli baci na gradela oli brujetada...koji put kašetu srdela na gradela...a ovo ča vidite to mi zovemo špicrebre...kruv vino kapula i to je to...a nakon tega smij i pisma...

prošlo je lito...malo smo kalali sa guštanjen čeka nas posal...čeprka san po arhivi i naša ovi litrat...verdura je iz našega vrtla...eko-biološkog porjekla...znači nima kemije...sve smo ovo gradelavali...dva deca merlota po glavi...kruv je od brašna od mlinara ike iz graba kod trilja...kako i mirita...a nakon tega punjene smokve sa mendulama u domačoj lozovači...

ovo van je ikina mlinica u grabu...to van je kad vozite od trilja prima kamenskome za BiH onda se samo skrene livo i nakon par km vožnje je grab lipo selo sa tri četiri mlinice a prva po redu je ikina...imaju lipo organsko brašno...a spremite se da van iko ispriče poetsku štoriju...