Dalmacija moja inspiracija

Kad san u butigi vidija ove školjke od manistre oma mi je uletila riceta u glavu...onda ovako...jedna kapula...dva režnjiča češnjaka...po šake petrusimula na sitno...po šake selena na grezo...dva kučarina vinske kvasine...friška crvena paprika na sitno...20 deki mlivene janjetine...sol papar, suve dalmatinske začinske trave...gratanega sira...pet / šest orija na grezo usitnjeni...na maslinovu uju isfrigan mliveno meso dodan začinske trave...onda meso meknen sa strane u tavu i zažutin kapulu...dodan papriku, češnjak i selen sa petrisimulom...papar, sol, orije i malo gretanega sira...sve dobro izmišan da bude dobro frigano...dodan kvasinu...u jednu teču san nalija vode i zasolija je...jedno petnajst minuti san kuva školjke od manistre...onda san i procidija i poreda u vatrostalnu pijadelu...napunija san i sa meson i ostalin...priko svega san nagrata sira pokrija sa alufolijom i sve u pečnicu na 200 gradi jedno 10 minuta...pili smo Cabernet Shiraz iz Australije...guštali smo sa našin gostima...jedan lipi marendin / obid...a ovod jema još spize...

dalmatinski je običaj da se jutika stavi u kvasinu...gušti su to poist kad je odležala na suncu...sičan se da mi je baba na balaturi imala jutiku i orahovicu...a ispod balature di je tunbin visila je i cidila se konšerva...a sad je gremo kupit u supermarket i onda u kolica do kase...ajmo se vratit do moje jutike...ja van ovako pripravjan jutiku...vazmen frišku jutiku skinen jon vanjsku i još jednu kožicu...u mali wok stavin mišanoga uja i kad se ugrije dodan po kučarina masla...meknen friške jutike koju san pripolovija...sa svi strana i malo požutin i kad dobiju boju dodan malo soli i papra...pospen sa origanom (iz moga đardina) i dodan pinkicu češnjaka...dodan još jednu žlicu maslinova uja...onda ulijen moje nectar kvasine ne više nego pet šest kapi i sve zalijen merlotom jedno dec ipo...brzo poklopin i nakon jedno dvi minute skinen poklopac i ostavin da malo vino iskuva...ovo van je ludilo od spize...jutika mora da bude adente...serviran uz janječe filete...sa malo divje špinjača i salate od rokule...domači kruv i vino nan je pri ruci...nima van puno posla oko tega...

ovo su frigane bržolice od mladega janjčića sa otoka texela...ka ča je sa otoka paga janjetina posebni gušt tako je i sa ovega otoka isto tako...trava je malo posojena i večina vrhunski restorana dupereju jance sa texela...ono ispod mesa na litratu su van kafeni šampinjoni koje san zajedno sa četiri fete limuna bez kore...domaceg đema od sljiva...balsamicom...nikoliko listova selena...češnjakon u korici...marinira...a onda sve frigamo da postane gusto...dodamo malo soli i papra...ono malo aromata ča je ostalo nakon friganja mesa san pomiša sa šampinjonima...i to je sad spremno za guštanje...