Dalmacija moja inspiracija

nakon ovi ladni dana nima ništa lipšega vengo se nač okolo kamina i
bacit čagod na gradela...ništo san pritaka vino i muva se u konobi a onda san iša kod susida di se skupila ekipa...prvo smo kušali novu
travaricu sa malo rute, malo koromača, malo smričke...lipo je lizla niz
grlo...onda je amiko meka na gradela bržole o'vrata ...našlo se i kruva
kojega smo malo bacili na gradela..mlada kapula je iz vrtla...a uje
o'oblice i to od
ove godine...jilo se, pilo se, čakulavalo se i načeli smo par aktualni
tema ali o temu nebi ovod...da mi ne prisano ona lipa spiza...dok se
meso peklo susid je izriza malo pancete...a ova friška sa litrata nek gori
visi da se još malo nadimi...na kraju smo otvorili i ovu bočicu Tokaja...lipo
nan je lega...eto svitu moj nije da nan je loše iako bi moglo bit
boje...ali nima veze sve nan je ovo naša sudbina dala...

evo van ricete za zimske dane kad se bura sa jugon minja...vazmen lipe okrugle kapule...sa ovin pomagalo na litratu i izdubin...bokuniče sačuvan...u duboku zdilu stavin mišano meso...dodan jaje...grezo rizanega selena...na sitno rizanu kapulu...na sitno češnjaka...žlicu konšerve...maslinova uja...samo poškropin...sol papar...sve lipo izmišan...sa tin nadivan kapule...u drugu teču ulijen mišanoga uja...kad se uje zagrije dodan žlicu maslaca...to van je da se kapula koju ču sad dodat lipo zažuti a i za povezivanje toča...onda opet grezoga selena...i konšerve jedno tri žlice...priko tega pospen finega glatkega brašna...sve zalijen sa geveđin temeljcem...temu dodan jedno šest štrukani pomidora...kad je malo iskuvalo meknen nadivene kapule i poklopin...neka kapule budu skoro pokrivene...to van nije ni juva ni gusti šug...znači razumili smo se...povremeno se trese sa tečon...uz to jidemo dinstanu rižu...pospe se malo gratanega sira...mi smo uz to jili i kuvane kruške u crnemu vinu...a provali smo i naše mlado vino...po je merlot a po je vranac...zadovojan san...neka još zrije...uslast...

moderna su vrimena puno je posla a životni tempo je brz sve gre u petu brzinu...danas nan je došla čer sa unucima...sutra nevista i sin...zet triba da radi...ajde vidimo ga svaku šetimanu...kad čuvamo unuke...čer je donila lipi buket ruža i jednu šesnu torticu...a najglavnije je da je bila sa unucima...nismo ti mi od niki poklona...malo bit zajedno to nan je taman...a sad obid... za predjelo je bila zasojena friška haringa...sa malo narizane kapule i par fetica kiseloga kukumara...a ovo glavno jelo van gre ovako...uzmen lipi bokun lososa i izrižen ga napola...onda prvo stavin namaz od samlivene crne i zelene masline...pa priko teg tanke bokuniče karote...pa onda tanke mlade kapulice...zalijen sa malo maslinova uja...sol & papar...pažljivo stavin na komad alu.folije...prilijen sa malo biloga vina...dodan ništo malo križanega selena...dobro smotan da bude sve zamotano...stavin u pečnicu koja je ugrijana na 200 gradi...neka ostane u pečnici jedno 15 do 20 minuti...pažljivo se folija odmota i riba se stavi na pijat...a oni šug ča je losos pustija u vino prilijen priko njega...ovi dezert van je kuvana jabuka pasirana...priko nje đem od dunje...nakon tega utučeni bilanjak sa malo cukra i par kapi soka od limuna...gori san stavija malo kafenoga cukra i pinkicu kakaoa...sve gre u pečnicu da malo dobije boju...samo gornje grijanje u pečnici...i to je to...da ste mi dobro...a još nisto pija se chablis malo razlađen...