Dalmacija moja inspiracija

gljive se nikad ne peru vengo se sa pinelon malo očiste od zemje...u tavu ulijen malo mišanega uja po suncokret po maslinovo i dodan kučerin masla...kad se maslo rastopilo dodan gljive...pustin i da malo zažute pa i tek onda okričen...kad su uvatila lipu kafankasto žutu boju dodan dec crnega vina pojačanog sa malo prošeka i sa par kapi moje stare nektar kvasine a vi morete dodat kučarin balsamico kvasine...mišan...kad je sve uspugalo dodan malo slakega vrhnja...mišan...kad je sve pospugalo skinen sa vatre...ovo je dodatak dalmatinskin šnicelima u toču od kaduje...a uz to san poslužija kunpire iz pečnice sa pomidorama umotanin u pršut...a fažoletini su na salatu...merlot i domači kruv su pri ruci...

supruga je ispekla kruv od integralnega brašna...dodala je puno sjemenki...kruv peče u ovoj pečnici...nju duperajemo i za pravjenje đeme...ja san se uvatija spize...na ovu pijadelu san stavija dimjenu pastrvu...dimjenu anguju...repove od račiča...pršut...matar...suve pome...tapenada od maslina i suvi poma...sir ...masline sa iskrižanon paprikon...kapare...sve san to posložija na pijadelu...uz to malo vina i ugodan razgovor sa nevistom i sinom...

vrimena su se prominila sve je postalo moderno i brzo...kuva se mikrovalno i ča ti sve znan kako...ali kad se ovod ispeče kruv ispod peke oli se baci na gradela...a tek tinguleti u bronzinu...to su pravi gušti...doče vrime kad če se ovako spremjena spiza plačat po zlato...