Dalmacija moja inspiracija

ovo van je integralni kruv...primazan sa pestom is moje kužine...a poviše san stavija papriku rogaticu koja je jedno sat vrimena na laganoj vatri zajedno sa mladon kapulicon i malo češnjaka izgubilo vlagu...nako tega je osta lipo obogačeni koncentrat paprike...a to stavin na tanka fetica pršuta koju san lagano pofriga...završin sa malo papra i dvi kapi maslinova uja...more se jist za predjelo oli onako iz ruke kad ti dođu prijateji i kad se otvori ona boca vina ča smo je odavna tili otvorit...a ovi drugi litrat van je serano prsut a ispod njega gnjizdo od rucole sa suvin i dimjenin pomidorama a gori san stavija malu grancicu matara...

kad bi ovi kameni kolutovi znali govorit bila bi to zanimjiva i lipa štorija...koliko je samo brašna samlivenu...generacije su se ranile a niki su i trgovali da bi se naranili i boje žvili...ali svima je bilo zajedničko... kruv naš svagdašnji...a u ono vrime ispod peke oli ti cripnje...sad je ovod mali muzej di se sve lipo sačuvalo za slijedeče generacije...sad je to misto di turisti dolazidu u posjetu...a mi seznamo zaletit do graba di je mlinica star priko šeststogodin i di sekog barba ike more nabavit brašno za najboji kruv...