Dalmacija moja inspiracija

ovo van je univerzalni problem...u nikin zemjama je to boje a u nikin lošije sređeno...ovod u NL je užanca da se ponese lopatica i da se potriba mekne u odvod od slivni voda kad se svojega jubinca vodi u "u šetnju za jubinčevu potribu" oli da se mekne u plastičnu vričicu pa se ponese doma i baci u škovace...ali se uvik nađu papani kojima nije briga za druge jude...ovi miščani se najidija i zabija NL zastavice od jida...ima bit da je ovo protest ča je rusija izbacila nizozemsku iz eura 08......

amsterdam van je misto di su ovi litrati napravjeni boje reč iz onega dila di je u nika davna vrimena bija škver a sad je kolonija umjetnika i muzičara...na to misto je naša nevista jemala 8 uzastopnih predstava drame koju je sama napisala i režirala...mi smo bili na zanjoj predstavi dan nakon ča je dobila diplomu za KIL diplomski rad...a ča van je KIL...to van je štorija o jednemu klaunu koji je na misto di je godinama dolazija cirkus osta živit sa svojon čeron Pierrette...jubav jon nija moga dat samo je moga bit gospodar njezinega života...živili su jednoličan život dok u niko doba ne bane u njiov život vojnik sa fronta...KIL van je prića o izgubjenoj jubavi...jubavi koja nije bila procvala...prvoj jubavi i nedostatku jubavi...ča da se čini kad je straj veči od srca a cinizam je jedino oružje...bilo je ugodno a mi smo bili ponosni ka paunovi...nevistina diploma je u škafetinu i život gre daje...

theaterfabriek rotterdam

taman dan prije našega odlaska iz dalmacije u NL san sa mojon bojon plovicon bija na otvorenju izložbe likovne udruge emanuel vidović iz splita ...naša prija gordana vesanović je jedna od učesnica izložbe...mi je zovemo van gogi ono po njenome nadimku gogi a sa migom na veloga NL slikara...ka prvo bi napisa da je nivo kvalitete na vrlo zavidnoj visini...ja san ovod izabra ono ča se meni posebno svidilo...onda malo pogledajte i sami prosudite...ali moran dat malo kritike postavi izložbe...nekvalitetno i nepregledno...tribalo je da se naprave dvi postave i nek svaka bude zasebna izložba...ovako...evo pogledajte sami sliku naše prije van gogi ...slika se more samo pogledat ako se slegneš oli si patujak...nemojmo se pravdat da je bilo puno izlagač jerbo je puno nji bilo sa dvi tri oli četiri slike...znači moglo se smanjit da se tilo...nadaje kad smo kod kritike onda još ništo...svaka slika ima svoj broj i normalno bi bilo da se po temu redosljedu postave ali ne sve je bilo pomišano...ščeta...slike su vele kvalitete i poradi umjetnika je tribalo da se postavi u visini očiju a ne visoko oli basetno...ajmo još jedan biser...izložba je bila humanitarnega karaktere a to bi značilo da če se prodavat i da šoldi gredu za niku dobru stvar...OK ta je na mistu...ali kraj slike nije bila cina...i na kraju ajmo još jedan put jedno veliko bravo umjetnicima stvarno san gušta u kvaliteti vaši radova...a one popratne pisme i recitali nisu tribali...bilo je prikladnije da je par umjetnika reklo ništo o sebi i svome slikanju a ne da mi jedan zbor piva pisme...prijo ovo san ovako mora napisat jerbo si ti i tvoji prijateji umjetnici zaslužili puno boji tretman...al znan je tebe...neš ti meni zamirit...svitu moj izložba van je u prizemju samostana koji je desno pokraj crkve gospe o zdravja u splitu...