Dalmacija moja inspiracija

Vrime je od promaliča i vrime je od praznika...ovod u NL se slavi Pinksteran tako da su subota, nedija i ponedijak praznici...kad se temu doda i bokunić petka eto ti ga na dovojno je vrimena za guštanje...obični smrtnici ka ča smo mi legnu na travu i napravidu piknik sa dicon, unucima...mlada ekipa se igra a stariji otvoridu koju bočica vina, čagod se baci u kjun...tako da ovi dani prolaze u ležernoj atmosferi...malo daje san sinja ovu kočiju sa captains of industry...uvik je bilo razlike, malo san čirija i kočija mi je pokazala svoju tajnu...nikoliko boca šampanjca, terina kavijara na ledu, dimjeni divji škotski losos, dimjena anguja i canapei sa tartufima...snašla bi se ovod i naša Hrvatska ekipa bussines as usual...svitu moj koliko san moga peškat još su oni malo daleko naspram ovih igrača...ali neka dok je poduzetnika bit če i puka...jedino vaja to sve pametno, socijalno i humano raspodilit i eto ti harmoničnega društva...

evo malo novitadi okolo početka gradnje pla'caklenika oli van boje rečeno zimskega vrtla...bloketi su nabavjeni, cimenat je na suvo a žalo je na jarpi...ovi vratni okviri bile boje če bit sa zapadne bande potavjeni na nož, a biće i fiksirani i neče se moč otvarat, a između svakega ču maknit vertikalne nosače...da se mogu povezat jedno sa drugin...a ova kafena vrata če bit ulazna u zimski vrtal a one dvi ponistra isprid kafeni vrata če bit montirane livo i desno od ulazni vrata...sad kad je prošla prva marčana bura i nek prođe ova pusta kišurina onda se vaja uvatit montiranja...

iza naše kuće je jedan bokunić zemje koji je osta neraspoređen sve skupa jedno 25 m2, livo od tega bokunića zemje san posadija masline a tu je i mali vrtlić a i kašeta za konpostiranje...a livo, ustvari južno od maslinika je šesna teraca iza naše litnje kužine tamo je liti ugodna ladovina...ma tija san na ti bokunić zemje meknit ovo, pa ono, posadit mini vinograd, masline oli povrtnjak...i onda jema ništo vrimena da je jedan moj amiko iz Splita minja vrata po ciloj kući...ostala su mu lipa krila od vrata sa duplin caklima...a i moj susid je minja vrata od terace pa mu je jedno široko vratno krilo ostalo sa strane...onda je brat u Zadru minja ponistre i kod njega su ostala dva dupla cakla od ponistre...i tako se rodi ideja da napravin pla / caklenik...ovo če bit mišanca od plastike i cakla...krov če bit od prozirne valovite plastike...sa sjevera če bit zid od dasaka...kojega ču kasnije sa unutrašnje bande izolirat da nan ne puše, sa istoka di je parking je betonski zid na njege ču meknit tri reda bloketa da dobijen visinu za pad plastičnega krova, sa južne bande če bit ulazna vrata sa livo i desno po jedna ponistra  a između ti vrata i ponistra ču razapet plasiku a sa zapadne bande ču poredat sedan vratnih krila koja če stvorit jedan cakleni zid...u sredinu pla / caklenika ču meknit oni špaker iz kamene kućice iz kaštili a fumar če ič po širini pla / caklenika i izlazit poviše ulazni vrata vanka tako da nas more lipo grijat...oni zid između vrtliča i pla / caklenika ču okinit za širinu vrata i napravit mali putić da vrata priko onega vrtliča di su sad kupusi i to je to...doma jeman dovojno radni stolova i jedan stari kožni dvosjed isprid njega ču meknit mali stolić tako da če nan to bit ugodno misto za obitavanje...usput je i pravo misto i za popit kavicu tu čemo malo čeprkat okolo verdure i cvića...eto van ga na, ovi litrati su sadašnje stanje...sad vaja počet crtat nacrt i pripremit materijal...pomalo...