Dalmacija moja inspiracija

iza naše kuće je jedan bokunić zemje koji je osta neraspoređen sve skupa jedno 25 m2, livo od tega bokunića zemje san posadija masline a tu je i mali vrtlić a i kašeta za konpostiranje...a livo, ustvari južno od maslinika je šesna teraca iza naše litnje kužine tamo je liti ugodna ladovina...ma tija san na ti bokunić zemje meknit ovo, pa ono, posadit mini vinograd, masline oli povrtnjak...i onda jema ništo vrimena da je jedan moj amiko iz Splita minja vrata po ciloj kući...ostala su mu lipa krila od vrata sa duplin caklima...a i moj susid je minja vrata od terace pa mu je jedno široko vratno krilo ostalo sa strane...onda je brat u Zadru minja ponistre i kod njega su ostala dva dupla cakla od ponistre...i tako se rodi ideja da napravin pla / caklenik...ovo če bit mišanca od plastike i cakla...krov če bit od prozirne valovite plastike...sa sjevera če bit zid od dasaka...kojega ču kasnije sa unutrašnje bande izolirat da nan ne puše, sa istoka di je parking je betonski zid na njege ču meknit tri reda bloketa da dobijen visinu za pad plastičnega krova, sa južne bande če bit ulazna vrata sa livo i desno po jedna ponistra  a između ti vrata i ponistra ču razapet plasiku a sa zapadne bande ču poredat sedan vratnih krila koja če stvorit jedan cakleni zid...u sredinu pla / caklenika ču meknit oni špaker iz kamene kućice iz kaštili a fumar če ič po širini pla / caklenika i izlazit poviše ulazni vrata vanka tako da nas more lipo grijat...oni zid između vrtliča i pla / caklenika ču okinit za širinu vrata i napravit mali putić da vrata priko onega vrtliča di su sad kupusi i to je to...doma jeman dovojno radni stolova i jedan stari kožni dvosjed isprid njega ču meknit mali stolić tako da če nan to bit ugodno misto za obitavanje...usput je i pravo misto i za popit kavicu tu čemo malo čeprkat okolo verdure i cvića...eto van ga na, ovi litrati su sadašnje stanje...sad vaja počet crtat nacrt i pripremit materijal...pomalo...

evo još malo detaja, naprimjer ova katriga, ma ona van je originalna thonet iz Beča nju san naša u kantunu tek san je sad vidija kad san bacija sve škovace, thonet katrigu vaja lipo očistit i biče ka pupica i onda jon dodat mali jastuk na sidalo i to je to...a i ovi nostalgični radio ču meknit u koji kantun onako za dekoraciju...u ovoj lažnoj ponistri je jedno zrcalo i stolna lampa...doma jeman za lampu jedno lipo sjenilo pa ako bude pasalo onda če i ona nač svoje misto...a zrcalo ka zrcalo jema dovojno mista na zidovima...bija san sritan ka malo dite kad san u kamenoj kućici naša ove prekidače i utičnice od bakelita...ovo če bit  vrhunac opremanja...naime, ovod u kamenoj kućici neče ništa bit modernega...eto i to je to wouwww biče taman kako san zamislija...a za pravi odmor povirite ovod...

Počeja san vanka nosit škovace ma neču ulazit u detaje škovace su
škovace...ovi špaker je bija za kuvanje i grijanje brez njega nije bilo
života...sve me tanta daga meknen doma u mali staklenik ča ga upravo pravin tako da dobije dostojno misto za prežencu...u ovu tikvicu se čuvalo sime...a ovi stari stol ču lipo sredit vaja ga malo proć karton
deveron piturat ga
možda zavidan dikod koju vidu da se ne klima i eto ga ka novi pardon ka
pravi...a doma jemen dvi starovinske katrige a nače se i crveno bila
tavajola na kocke i sve ču to kad bude gotovo postavit vanka u kalu
kraj kuće za litnje lipe duge teple većeri...a kraj stola u kantunu kale dva tri pitara
sa
ružmarinom, lavandon i šparogom ma ugođaj samo taki...a ova kredenca i
thonet katriga se taman uklapaju u ova davna vrimena kojima kamena kuća
odiše...ovu sliku od gospe vaja lipo očistit i primazat jon
okvir...ajde naču jon misto na zidu...i tako malo pomalo nosin sve
škovace vanka šporak san ka prasac...a sa svakin novin danon dobivan
nove ideje...počeja san sve to zapisivat...na kraju se moran odlučit kako ču daje...eto...a za luxuzni odmor mirita pogledat ovod...