Dalmacija moja inspiracija

Ove godine san uvatija petnajst litri loze...ma ko če sve to popit, zato san se odlučija napravit limunčelo i mandarinčelo tako da bude malo promine...u prosincu nan je led uvatija limune i mandarine tako da se pet čest kašet poilo pola je palo na tle a ča je ostalo bi štrukavali...one lipe i ne frižane polovice o'mandarin san sačuva i sad san i evo potopija u lozu pa nek se lušaju niko vrime, ajmo reć do kraj vejače...onda ču napravit mandarinčelo...a u kore o jedno pedesetak mandarin san doda i koru o desetak limuni...ma nek je veselo...a nakon tega dolazi red na koru o'limuna...u pripremi je i riceta za mandaričelo cream...lito 2011godine more počet...

Nakon ča san napravija sirup od limuna sad je doša red da se napravi i limunčelo...vazeja san jedno dvadesetak lipi zrili limuna...dobro san i opra i ošušija...sa brtulinon san skinija kožicu, triba pazit da se ono bilo ča je ispod kože ne skida jerbo je to gorko...ovako izrizana korica če dat fini liquer...sve san meka u jedan keramički visoki lonac i prilija sa litron 75 %tnog alkohola...pokrija san sa pokrivalom i okolo smota plastičnu foliju...to če sad tako ostat nikoliko miseci da se točaje i da korica pusti sve ono ča je potribno za limunčelo...za sad je dovojno...nastavak slijedi...