Dalmacija moja inspiracija

ola ča čemo guštat kad ove masline dođu na red da se jidu...tamo nidi krajen osmega miseca san ubra jedno 6 kili oblice i meka i u jaku salamuru da in izađe gorčina...nakon jedno petnajst dana ležanja u salamuri san masline opra i nakon ča san pripremija stakleneke i dalmatinske trave meka san i da se u laganoj salamuri zakuvaju...nakon tega san rasporedija dalmatinske trave i češnjak u staklenke i napunija i sa maslinan...temu san doda zero soli i dva tri zavrtnja papra...prilija san sa laganon salamuron i gori ulija malo maslinova uja...eto ti ga na...ča se mene tiče 2010ta more počet...

a i ovod je korisno kliknit...culinary croatia...

Svaka zemja jema svoje pokrajine koje se prezentiraju ka posebni Brand.

Za me je Dalmacija posebna, ona ima na ovako malo prostora puno raznoliki znamenitosti. Kako prirodni tako i kulturno- povjesnih.

Daje pameti ali svi mi vidimo da nima pameti, onda bi se ovi cili prostor moga organizirat da bude po miri čovika.

Ovod bi po meni a ko san van ja, kap u oceanu, tribalo se uvatit ka prvo turizma, poljoprivrede, ribarstva, maslinarstva, vočarstva i svih popratnih usluga.

Ovo bi bile okosnice razvoja Dalmacije. Život napravit ka prvo nama ugodnim za živit, pa onda milijunima furešti koji bi nan ovod dolazili na ferije oli su vojni ovod živit..

Napravit preduvjete kvalitetenega života di bi se šoldi vrtili po cilu godinu. A ne ka sad samo par litnji miseci.

Koje su to političke organizacije koje bi napravile programe razvoja vodeči računa o prednostima ovega podnebja.

Di je taj think tank koji bi moga napravit analize i opravdanost održivoga razvoja brez da se određeni lobiji u ti posal mišaju. Tražin li puno, možda, ipak je ovo za naše podnebje naučna fantastika.

cooking classes and cooking tours in croatia culinary croatia

luxury croatian villas

klapa je pivala da je maslina nobrana i da je nima ko brat...ma to je stvarno grijota da masline padaju po tlevu i da i nima ko brat...judi stare...kosti in se savijaju a mlaji svit lunja po šoping centrima...visi po kafićima oli điraje tonobilima...poja su zapuščena...špekulanti i kupuju i onda lobiraju...da ne kažen ča če bit nakon lobiranja...ka čemo se uvatit prave politike i dat šansu mlajima da se uvate lavure u poju pa onda obrađivat masline verduru mendulu lozu...ajde nije da tega nima uvik se nađe familija koja za dišpet oće da krči i da stvara zdravu ranu...domači sir vino i uje... ma judi moji oli smo slipi...pogledajmo ča svega jema u butigan...ma da mi ne moremo proizvodit davojno i kvalitetno za se...a još bi se moglo i izvozit...ovod u NL je organska pojoprivreda na cini i skupje od industrijki proizvedene spize...ma znan je da triba ranit milijune judi i nima svak bokunič vrtla iza kuče...ali bar mi ovod od jadrana pa do panonije sami moremo proizvest debote sve...da se vratin na naše obrizane masline...žena i ja i jemamo za svoju potribu...damo dici...litra uja se pokloni livo druga desno...ma neka...dogodine če opet rodit...obrizane grančice san lipo izriza za gradelavanje a lišče gre na kompostiranje...kod nas je odvajenje organskega od ostalega otpada normalna stvar...komposta nikad dosta...