Dalmacija moja inspiracija

maslinama je deboto 120 godin...na šest veli cabala uvatin jedna 150 kil...nisan i tija rizat da se pomlade vengo san i ostavija da se razviju u visini i širinu...daju mota našemu domu tako da su postali i njezin dil...malo je problematično se pentrat da bi se ubrale...ali eto meni je draža krošnja...a uja uvik ostaje za svoju potribu...iza kuče onih deset cabal oblice če prispit dogodine...a ove godine je slabo neću ni spominjat koliko je platilo...

prošlo lito san iza kuće di su mi masline i tamo blizu prostora za kompostiranje posija mentu...lipo se raširila tako da je ima svudi...kad pijemo čaj onda stavin grančicu mente u čaj...to san naučija pit u izraelu di i arapi i židovi to na veliko dupereju...čer mi je u tel avivu živila cile četiri godine...tako da san se i tako naučija pit...svega san prova u životu ma i triba sve provat...a kad mi je po guštu onda znan dodat i mentinu susidu u vrtlu kaduju...gušti su gušti i triba čovik bit zadovojan sa malin stvarima...