Dalmacija moja inspiracija

razvitak jednega grada se pripoznaje po markantnim građevinama...fenomenalna građevina je sagređena u zadru...nisan moga odolit da ne napravin nikoliko litrati o novoj sportskoj dvorani u zadru...ona je za me definitivno

peka oli cripnja koje ime van je boje njega duperejte...mene koji san malo po svitu pa puno u trogiru a često san i u splitu fascinira razvitak zadra...ka prvo bi one papane iz trogira i splita posla do zadra da vididu kako triba razvijat grad...nima kod nji puno filozofije...ali zato jema puno jubavi...a kad papani arivaju u zadar e onda nek otvore oči i vazmu digitalku i nek litrataju kakva in je riva orgulje i pozdrav suncu...kakav če bit muzej antičkega cakla...kako se kale lipo uređuju...nek vidu novo elitno naselje nasuprot poluotoku...moderni shoping centar...a spličanima i trogiranima poručujen nek vidu kako su lipi štekati...ovo van je grad po miri čovika...amo se kladit da če do jedno 10 godin bit HIT turizma dalmacije i na samome vrju...samo tako naprid...tu nan je lipo...a kad ste u toj konobi onda provajte rožadu...ma ludilo...

Ma nazva me je brat bili se zaletili do nji u zadar na obid pripremili su friški liganja...a nama ne triba puno tega reč...vengo se rano dignit i nakon doručka lipo kola fjaka uz more do zadra...stali smo u biogradu i popili kavu a pošto san van ja kuriožast ča se sve čini uz more kako se gradi održaje i ulipšavaju mista...sve san sinjava i ima nika stvar ča mi je upala u oko...tako su me oči zabolile da nisan tija špokavat digitalku...pitan se ko je onin pustin papanima oli boje skorojevičima reka koju če pituru koristit za fasade...među nama rečeno ne baš zgodnih kuča koje su za fitavanje...ma bilo je žuti ka kanarinac...modri ka nebo...sivi ka grobnica...onda jubičasti sa kafenin škurama...oče li ikad bit nikoga reda u mojoj lipoj dalmaciji...zato i jesu gušti doč u zadar i poč na poluotok...e judi moji ovod su graski meštri lipe boje od fasad priporučivali i tako da su kolure lipe i skladne da je divota...ali sela uz more je katastrofa...još kad bi grad da jednu financijsku inekciju da se oni neboder priko puta povjesnega poluotoka pošteno inkarta i da ga se primaže sa nikon lipon koluron...odma bi vajalo pravit nove litrate za razglednice...a ha, obid...lignje su bile na za lizat prste...verdure friška a vino san ja donija...evo smo ga krstili...jerbo je od prošle jeseni i zero je mlado...ali se čuti da če bit muško...oni litrat sa dizalicon van je restauriranje i novogradnja di če bit muzej antičkega cakla...puno nji ovod u zadru misli da če novogradnja bit šaka u čelo...evo van ovi litrat pa gledajte kako je sad...kad bude sve gotovo stavit čemo i tega...osobno mislin da more proč jerbo se ovake stvari rade po cilemu svitu...i kad je gotovo i uređeno onda mirita...ovo se ne more usporedit sa spliskon rivon di je učinjen kulturocid...a ča ču daje pisat...samo ču još dat konplimente za orgulje...a pogotovo za podrav suncu...eeee, moji spličani triba volit svoj grad ka ča ge zadrani vole...zato su i napravili ovo na punti od poluotoka...judi moji gremo svi u zadar...to tribate vidit...a moja profesionalna deformacija ne more da ne spomene da ima par lipi restorana i konoba...a makijato je u cafe lovre bija taman onaki kako i mirita...usluga besprijekorna prezentacija vrhunska...pogled na pjacu ka da san u teatru i da svaki moment prestava triba počet...lipo je u zadru...puno lipo...