Dalmacija moja inspiracija

Ovo cablo od maruna je prije nikoliko godin prileglo na tle...bilo je to nakon jednega nevrimena...iz Grada su odlučili nek ostane ovaki ka ča je...malo su mu žile izašle vanka ali sve ostalo radi ka sat...one grane ča su na tlevu su se ožilile...nima tega vitra koji mu more naškodit...a dica gušteju jerbo se mogu pentrat a meni je upa u oko...evo van ga ovod...

Vrime je lipo sunce grije i nima vitra onda gremo malo u šetnju Amsterdamom, dok moja boja polovica gre u šoping da kupi koju krpicu ja san po običaju malo litrava tako da je ovod svega pomalo...ovi brod kojega su lipo preuredili za stanovanje na konalima je ludilo...unutra je cili konfort a pošto nima valova nima ni ginganja...evo ovega kako ga ovod vidite, ako bi ga tili oli ako bi ikad bija na prodaju, onda bi tribalo isprsit jedno 400 ijada euriča a i to mi se pari malo to san ovako samo bubnija...a ove daleko istočnjačke mirisne štapiče vaja zapalit pa onda pustit da tinjaju i puščaju lipi ugodni dim...od muska, jasmina, opijuma, bora pa do kanabisa jema svega...ne svitu moj, nije van ovo za bit high ovo je samo za nos i ugođaj tako da cila soba lipo zavonja i napuni se miomirisima...uvik ponesen nikoliko pakovanja doma u Trogir za guštat u lipin dugin litnjin večerima...Amsterdam stimulira svoj puk de se sprid kuća na pločniku meknu pitari sa zelenilom i cvićem a na konale su usidreni mali eko otoci di patke i duge tice mogu u miru obitavat...ovi lift mi se svidija dok je Ona šopingirala ja san ga ovako uvatija...a ni nosač za nože, je da je malo morbidan, ali je ipak OK...eto na kraju san još uspija kupit očale i dvi lipe maice za na lito, eto ja san skoro pa gotov lito more počet...

Kad okrene lipo vrime onda Niskozemci vole điravat sa svojin brodicam po Amsterdamski kanalima...konpletni se piknik organizira i onda počima lagana plovidba, ma da se oče brže ne more se od pustih brodica...vlasti u Amsterdamu su liberalne tako da se svudi more privezat i ne triba plačat...a jema tako lipi brodica da ti se manta u glavu, najdraže su mi ovi starovinski sa posebnim karakterom i dizajnom...u Amsterdamu se ne samo plovi već i živi na brodovima...svi su oni priključeni na gradsku infrastrukturu i nemoguče je dobit misto za vez sve je več godinama puno...i nemojte mislit da su to jadne stračare na vodi, ajde jema i taki na njima žive stari hipiji koji su tu još od 60seti godin kad je Amsterdam zajedno sa San Franciskom bija centar hipija...a u današnje vrime su u večini slučajeva postale plutajuče ville i triba zbrojit dosta pinezi za tu živit...oni su i posebna atrakcija za turiste...evo pa malo pogledajte...kako je prošlu šetimanu bilo na rijeci Amstel...