Dalmacija moja inspiracija

Nemojte me sad napadat da san iša lovit mlade pizdice ma nije istina bile su zalipjene uz ove starije tako da san i napose spravja...potrefilo se par komada po glavi tama za umočit malo kruva i popit žmul vina...onda ovako, malo češnjaka na sitno, selana i petrisimula o'lista narizano, malo izgratanega baškotina, list lovora i grančica ružmarina i dva zavrtja papra iz mlina pinkica soli...dec bilega vina i mini pizdice...sve skupa jedno pet minuti i to je to...ovo je bilo predjelo ali se zato poilo jedno desetak feta kruva...hmmmm, ke gušti...a za de luxe odmor hm, ovod je pravo misto...

Jema dana kad se sve poklopi, lipo je vrime, oboje smo dobre voje, pizdice su friške a u zraku se ćuti promaliče...aha, u teču meknen dec maslinova uja pa onda dodan ostalo...znači narižen češnjaka Šarca nek bude jedno tri režnjiča, šaku listova o selena i ptrusimula na sitno, jedan baškotin izgratan, papar i kučarin domače konšerve...sve to malo šufigan i dodan par listova lovora, grančicu ružmarina, i dvi suve pome na sitno...zalijen bilin vinon dodan pizdica i sve dobro promišan...nek to bude na vatri jedno petnajst minuti...onda ono mora ča su pustile pizdice kroz cidaljku odvojin a ča je ostalo u cidajki vratin nazad i izmišan sa pizdicama...triba ostavit malo mora da se kruv more točat...a ono mora ča san odcidija sačuvan, tribat če mi ka temejac samo triba zapantit da je ti temejac slan...eto, malo kruva, bocun vina i to nan je obid...

Kod nas u Dalmaciji se jide previše mesa, dimjenega mesa, masnoče i kruva, a ovo je rezultat...a bilo bi boje da svega bude po miri, ma barenko malo manje mesa a ribe oli ka ča je ovod škojke...vaja jist više...nebi bilo zgorega uvest jedan brezmesni dan i ti dan triba poist dosta verdure...a svaki dan vaja jist voće...ajmo sad spravjat pizdice...ja u jednu teču meknen maslineva uja...a prije tega san nasicka poriluka, kapule, karote, pomidore, češnjaka, selena na grezo, petrusimula usitno...sve san malo zažutija i doda papra...kad je karota malo smečila zalijen sve sa decon bileg vina...malo promišan i dodan pizdice i poklopin...poklopjeno stresen nikoliko puta tako da sve bude promišano...nakon tega vino sa sokon o verdure i moren iz pizdica izlijen u drugu teču i to napo iskuvan...i kad je napo iskuvano onda to prilijen priko pizdica koje san iskrenija na jednu pijadelu...a oni šest deci bilega ča je ostalo u boci je taman za nas dvoje...u životu triba pripazit sa alkoholom teško je pogodit miru...nikoliko feta integralnega kruva za pospugat šug i to van je sve...a i ovi znaju pravit spizu...