Dalmacija moja inspiracija

Lipo je vrime i vaja malo noge protegnit...đir priko pruge do SMSovog maslinika i nazad...vaja napunit pluča, ubrat koju šparogu, vidit koju beštiju i lipo ogladnit a doma se uvik nađe čagod po miri...vidin da su se i ovod tzv. naši branioci demokracije, slobode i ne znan više čega malo zabavjali, ovi in je spomenik iz drugege sv. rata smeta a malo nizje kraj ove kuće je ista stvar samo ča je ovi križ iz nikega starijega doba...pomalo postajen otporan na ovaka sranja...gren pomilovat ovega kozlića i bacit ovi lipi pogled na uzorne maslinike i vinograde...iza maslinika van je Čiovo, Trogir je desno iza brda ne vidi se, a livo doli je aerodrom na Resniku...a kroz Plano vijuga cesta koja nas spaja sa Dalmatinom...nisan litrava ona brda sasvin desno, možda neki drugi put...kad sve zbrojin ipak je bija jedan lipi dan...

Žena je ispekla jedan lipi integralni kruv...mi van brašno nabavjamo u 600 godin staroj mlinici u Grabu pokraj Trilja...kod Ike domačega pjesnika kipara slikara, ah on van je pomalo sve...

Dok se kruv ladija ja san na brzinu bacija na gril par fetica tikvice...temu san doda šaku kaparai začinija sa našon nektar kvasinon iz 1959 godine...i normalno sa našin maslinovin ujen...

A ovi merlot iz Čilea mi je sinpatičan jerbo mu je ime Plano...ma ča ti je život...u Čile vino a u Texas grad Plano...

cooking classes and cooking tours in croatia

culinary croatia

luxury croatian villas

cooking classes and cooking tours in croatia

culinary croatia

luxury croatian villas