Dalmacija moja inspiracija

Lutajuči Dalmacijon ne mogu odolit da ne zavirin na skrovita mista naši kaleta, crikva i ostalega kulturnega blaga, da vidin svu lipotu kulturne ostavštine koju su nan naši preci ostavili na čuvanje i korištenje.

Take detaje i lipotu tribamo čuvat ka zjenicu oka. U nikin mistima se to dobro radi a ima i mista di je taki nered da bi in tribalo zabranit bavit se upravjanje sa miston. Ma nije samo da se zanemaruje kulturna baština nego se spotiču ideje revitalizacije taki.

Kaštela imaju puna dvoraca i kaštilaca koje Grad nije moga oli nije tija, ko če to znat, da i otkupi. Nije da se nije ništa učinilo ali se uvik moglo više.

Projekt Cippico u Kaštelima je posta sinonim za loše gospodarenje resursima i očiti primjer da liva ruka nezna ča radi desna. Tako da je to sve ostalo tužno da tužnije ne more bit.

Naši lokalni političari bi uvik tili ostavit čagod za slijedeču generaciju. U Splitu jemamo stadion Poljud i konpleks bazena, stravično je kako se odnosimo prima tin materijalnin dobrima.

A tek poslovni centar Gripe ex-Koteks onod je strava i užas. Ajmo se kladit da če okoliš onega crnega kapsila u Lori dočekat istu sudbinu. Dok se niko od političara ne siti da ponovo triba organizirat svjetsko prvenstvo pa makar ono bilo nazvano "Pišanje uz vitar" da bi se izmuzla porezna lova od puka i sve se malo naglancalo.

Kad če nan pamet proradit i da se uvatimo i održavanja onega ča smo sagradili. Ajde bilo je dosta za ovi put, rečem mi žena a ča bi ti tija prominit svit...a ja mučin i mučin...i mislin u sebi ima ona prav.

cooking classes and cooking tours in croatia

culinary croatia

www.luxurycroatianvillas.com

litrati brez riči...

litrati brez riči...