Dalmacija moja inspiracija

Ovo nan je tako lipo leglo da san odlučija da ovu ricetu podilin i sa ostalin sviton...onda ovako, dvi balancane ogulin i izrižen na male bokuniče...četiri sridnje kapule izrižen na sitno...šaka petrisimula isto tako...češnjak jedno četiri režnjiča u sitno...konšerve, nestalo mi je moje domače pa san vazeja ovu di je ona korupcija i tramakavanje sa lovon oli tako ništo...kozice su iz Jadranskega mora okolo Lastova...naše maslinovo uje zagrijen, dodan balancanu pustin da se malo zalipe pa i onda promišan da a se i na drugu bandu zarumene...balancanu gurnen na kraj teče i dodan kapulu...nek dobro zažuti...petrisimul, češnjak, lipi angriz za rižote, sol i papar...dobro promišan i zalijen sa vručin ribjin temeljcen ali san prije mišanja doda jedno tri žlice konšerve...kad sve počme dobro kuvat nastavin sa mišanjen...onda se priko tega nagrata tvrdega sira i to jedna obilata čikara...nastavjan mišat i pazit da angriz bude malo mokar i malo suv...ma to van je cila filozofija, rižot oli ga znate spravjat oli ne, nima tu drugega...vaja pogodit kad angriz bude gotov a da rižot ne bude vodenast triba da je onako lipo gust, malo kremast ma taman za poist...kad je gotovo ostavin poklopjeno jedno pet minuti brez vatre...skinen poklopac dobro promišan i to van je to...evo svitu, salata je iz vrtla iza kuće samo smo ove male pome kupili a vino je doli iz konobe...bili nan je puno lipo...i još ništo one balancane se više ne mogu pripoznat zajedno sa kapulon su se raskrabile i sa angrizom se spojile u ništo novo, ništo ukusno, ništo ča mami, to je ono ča mi zovemo gastronomija...naču daje sve znate...ajde za spizu povirite i ovod...a za otelski smještaj u splitu i okolici i to za sve takujine morete povirit ovod...