Dalmacija moja inspiracija

nakon bijanka, brujeta i polpeta od bakalara doša je red i na friški bakalar...ovega puta san napravija rižot od račiča i na kraju doda na maslinevu uju isfriganega friškega bakalara...svitu moj meni je bilo, ma tija san van samo reč, stvarno nezaboravno...stalno mi se čuti u justima ova lipa spiza...onda ovako...na maslinevu uju san isfriga bakalar i meka ga sa strane na teplo...u ono uje di se friga bakalar san doda nasickanu kapulu zvanu šalote...nakon mišanja san doda nasickani češnjak, grezo izrizani selen, petrisimul, četiri speštane zelene masline brez špice, četiri pet komada iz uja na suncu sušeni pomidora...nastavija san mišat dok se nije malo zažutilo...onda san doda račiče...oni su več bili očiščeni znači brez juske...sve san dobro promiša i doda tri kučarina konšerve...opet san dobro promiša...e sad tek dolazi angriz...sve je dobro promišano a angriz vaja da se ugrije...kad je sve dobro ugrijano zalijen sa vručin ribjin temejcem koji nije bija zasojen...malo soli i papra...i sad vaja pazit kako čemo daje...stalno mišanje i dodavanje temejca...lagana vatrica...ovo nije lako opisat, oli jemate mota oli nimate mota, rižot mora bit po suv po mokar a angriz je taman za jist jerbo se nesmi prikuvat...ako se prikuva onda sve more linija direta u spirine...a isfrigani bakalar koji je bija na teplo san očistija od drača i u malin bokuničima meka na rižot...doda san starega gratanega sira a vino nan je bilo taman po guštu Cabernet Sauvignon......a i ovod jema puno lipi bokuna za poist...culinary croatia...

evo je sad malo zaladilo, ništa strašno ali je taman vrime da se poide
malo kiselega kupusa sa kobasicoma i sa panceton...za to mi triba veča
nasickana kapula dva tri režnjiča češnjaka, pire od kunpira, kiselo
vrhnje, gratani sir, đunbir na sitno, selen na grezo, sol, papar,
konšerva i naravski panceta i kobasice, pancetu san prvo malo na tavi isfriga da jon
se raskrabi mast, mast san odvoija neču je duperat držin liniju...panceta je na sitno a kobasica je na kolutiče...eto
sve jemate napisano...samo ču van napisat da san gratani sir, vrhnje i
đunbir, pomiša sa pire kunpiron...a konšervu, kapulu, češnjak, selen,
pancetu i kobasice sa kiselin kupuson...sad sve znate a ostalo je
lako...sve meknen u zagrijanu pečnicu i niti trikvarta od ure na 200
gradi...pripazite da van ne izgori...ako van je pečnica slabija onda
meknite prve po ure alufoliju priko svega da bi se onda zanji kvarat
ure uvatila korica...i to van je to...mi smo popili ovi Južno Afrički
Sauvignon blanc...a ovod je ukusno i puno lipo culinary croatia