Dalmacija moja inspiracija

vazmen dvadesetak suvi smokav...u jednu malu teču ulijen dva deca bilega vina...dodan pinkicu cimeta...bičerin prošeka...jednu malu grančicu vanilije...kučarin meda...i jedan kučarin soka od limuna...dodan smokve i ostavin da do pola iskuva...lagana vatra...koji put sa malon kaciolon polijen po smokvan...teča nije poklopjena...a koji put malo stresen sa tečon...gušti dragi moji...veliki gušti...

pripremija san jednu vočnu salamu za ovi vikend...ovako...suve smokve...suve šljive...oriji na sitno...datule...suva oskoruša...mlivene mendule...gratana kora od limuna i naranče...sve se isicka na sitno...napose otopin cukar u vodi sa decon prošeka...da je cukar gotov znan ovako...kad se more napravit gusta nit onda je spremno za mišanje sa onin ča san gori naveja...kad je dobro izmišano stavin na plastičnu foliju i napravin od tega salamu...čuvan u hladnjaku...a uz to jedan lipi degistif...ovo van je travarica od rute...supruga i ja smo ovu subotu kod prijateji i ova salama če bit lipi poklon...

rakiju travaricu činin svake zime...ova na litratu je napravjena od rute i koromača...a u konobi na škanciji je i od rogača...mišani trava...sa smokvan...ma ne pijemo mi puno tega vengo su to šesni pokloni prijatejima...