Dalmacija moja inspiracija

Svaka zemja štuje svoje običaje a Olandežima je jedan od najdraži dana u godini Dan Kraljice evo van ovod kako je to lani bilo u Amsterdamu...svakega 30toga travnja u godini je posebnin dekretom Kraljice dato na znanje da se ti dan more trgovat sa svin i svačin i to na ulicama, trgovima i na to označenin mistima brez plačanja poreza,...ti dan je cili puk obučen u narančasto a ovo trgovanje se više manje svodi na one stvari koje su nan po šufitima i šupama...a najviše su to igračke i sve ono ča se dupera u potrošačkome društvu i bilo nan je žaj bacit i ča...ustvari sve se te stvari oti dan pribacuju iz jednega šufita u drugi i to za niku sitnu lovu, bitno je da je fešta i to van bude velika fešta...znaju se Olanđani feštavat...to van je slično kad Oranje igra balun u finalu kojega prvenstva svi poludidu a svi znamo u balunu su stvarno vrhunski...mi smo u Beču kod čere pa smo se zaletili da Internacionalne skule Dunav tu jemaju lipi unutrašnji đardin di se sve to organiziralo...bilo je puno starovinski igrica za dicu ka ča je "meknit ruke na leđa i onda s'konopa jist kolač", pa "balunima gađat princa i princezu naslikanu na važima", " trčanje u vričama", "trčeči nosit kunpir na žlici" a jedan se bračni par priobuka u "princa i princazu" tako da je bilo puno humora i puno smija...a ovako su Olandeški expat - i to organizirali evo van pa malo pogledajte, a nama, nama je bilo lipo...

Ka prvo ovod san tija poč poradi tega ča prvi dil ovega mista jema ime moga pok.pape da se razumimo pape se zva Frane...bilo je lipo vrime taman za napravit jedan lipi đir do sjeverne provincije Fryslandije...ovo je jedina provincija ovod u NL di je dvojezičnost, naime isprid ulaza u svako selo oli grad su tabele na Niskozemski i Fryslandski jezik...a jezična je autonomija otpriliko ka i kod nas u Istri, oli ka ča bi tribalo bit oli je več tako, da van pravo kažen neznan jeli to tako, oko Knina i oko Vukovara...neču daje o temu jerbo če me naš dežurni nacionalisti počet napadat...uostalom jebe me se za nji, sloboda naroda i sloboda jezika je univerzalna...jeli to Niskozemska oli Rvacka, Italija oli Mađarska svudi je isto, vaja štovat kulturu i jezik manjina i na temu stvarat zajedništvo...ma dosta je brontulavanja gremo mi malo pogledat kakvi je život u temu Franeker-u...evo, ova kuča so ovin plavin škurama je kaštil Martena a ovi tornjevi su straga di je ovi lipi đardin...a kaštil je usri grada, svitu moj mi smo guštali u razgledavanju i kad je trbuj počeja davat sinjale onda smo sili na ovu teracu i bokunić zalogajili...a lokalno pivo i čaša bilega je bilo taman po guštu...sunce grije u čunku a mozak je na pašu...u životu ka da nima problema....u evo van litrati pa gledajte...nama je dan bija taman kako je triba bit.

, 

Svako malo minjan lavuru...ne mogu samo tuč sa macon vaja se i odmorit...zato san uvatija željezni bruškin i počeja skidat garež...parija san dimnjačar...ali zadovojan san, ovo je tek početak, nakon bruškina dolazi nared karta devera i nakon postavjanja izolacije između greda prvo triba grede dobro ispinelat protiv crva i gamadi i onda dat završni transparentni lak...malo san se zaletija još nije vrime za to...i nakraju evo van litrat prima stadionu Poljud a na drugu bandu se vidi Kozjak...eto to bi bilo sve, a je san se naprašija...