Dalmacija moja inspiracija

Bilo je malo vrimena o bure a sa je jopet gnjilo, je da su dani postali duži ali nan fali tepline...Grad je malo pospan čeka promaliče...na veliko se raskopaje i sve se sređuje...oče li na vrime bit gotovo ah, nije važno biče kako bude...a priprema za novu turistčku sezonu ipak sramežjivo počima...vaja Grad izglancat i dovest ga u red ka ča i mirita staroj dami ka če je Trogir...a oni kojima je turistička sezona najvažija oni još spavaju, ma jema još šoldi od zanje sezone vrag odnija i prišu...a svitu moj ovod van je koristan website o otelskome smještaju u Splitu i okolici i to za sve takujine...

Drago mi je lutat po gradu, pogotovo u lipome dilu Amsterdama zvanom Jordan...svudi su šesne butige, antikvarijati i kafići a na promaliće, liti i na jesen su terace po cili dan pune, mnoge od nji su i grijane tako da se kapučino more popit i po lošijeme vrimenu...ja volin butige o spize i vina a moja boja polovica usput i butige o montura i nakita...tako da nan je kvart Jordan ka stvoren za ovo...priko puta ove butiga na drugeme kantunu je butiga o'čikolate...u butigu o'sira se more doč na degustacije i kupit lipi bokun šesno spakovan za dat na poklon...za vašu informaciju u Amsterdam dođe na godinu dan jedno 15ipo milijuni turista...od toga veliki dil su domači turisti koji su samo na jedan dan u Amsterdamu ...furešti jema jedno 5 milijuna na godinu...u Amsterdamu prosječna dnevna potrošnja po glavi turista iznosi 127 eura...u Amsterdamu je 16 000 posteja u hotelskom smještaju...a grad jema deboto 750 ijad duša...tako da je ovod po cilu godinu ogromni moving...svi bi tili posjetit Veneciju sjevera...život je kratak i vaja guštat u lipin stvarima...zato morete i ovod kliknit...culinary croatia ...

ajde recite iskreno jeli ovo stvarno divota...na ovo žalo se mogu meknit jušto dva šugamana a noge vaja točat u more a pogled van je samo taki livo je marina a naprid je škver...a po konalu brodi, puno brodi...a kad se malo boje zagledaš moš vidit brod u boci tamo nidi priko mora...ma vidite ove skaline pa onda ovi rukohvat...sve je po miri kupača...